Ẹksọdọs 18:19 - Edo Bible (E Baibol Ẹdo) Version 1996

¹⁹ Danmwehọ mwẹ nian, gun mwẹ rhie igiodẹ esi ma ruẹn. Osanobua gha vbe yaba ruẹ. Wẹ gha ta ne unu iran na vbe odaro Osanobua, ne u vbe gha viọ imuan ẹmwẹ iran gie ẹe.

Ẹksọdọs 18:19 ပူးပေါင်းရင်းမြစ်များ

Gẹnẹsis 39:2

E Nọyaẹnmwa keghi mudia ne Josẹf, ọ na ye emwi hia gha maa nẹẹn. Rẹn kegha rre owa arowa ẹre ne ọmwa Igipt nii.

II Samuẹl 14:17

I keghi tama egbe mwẹ wẹ, eyan ne uwẹ yan rẹn gha degue mwẹ, enọwanrẹn, rhunmwuda te ọba ye vbe odibo Osanobua, ọ vbe rẹn emwi ne ọ maa, hin ne ẹ i maa rre. Te Nọyaẹnmwa ne Osanobua ruẹ gha yaba ruẹ!”

Ẹksọdọs 18:15

E Mosis keghi wanniẹn wẹẹ, “Ẹ i mwẹ I ma ru ẹe vberriọ rhunmwuda te emwa nii do gha nọ emwi ne Osanobua ho.

Ẹksọdọs 18:20

U ghi vbe ma iran avbe iyi kevbe uhi Osanobua, u ghi vbe rhan otọ re vbene iran gha ya gha yin kevbe vbene iran gha ya ru emwi hẹ ma iran.

Ẹksọdọs 18:24

E Mosis keghi rhie ẹmwẹ Jẹtro, ọ na ru zẹ vbene ọ kha re.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 4:12

Banbanna nian, gha khian, I gha ru iyobọ nuẹn ne u sẹtin gha guan, I gha vbe tama ruẹn ẹmwẹ ne u gha ta.”

Ẹksọdọs 4:16

Rẹn gha sẹtin gha gu avbe emwa nii guan nuẹn, rẹn ọre ọ khian gha re ne ọ guan nuẹn, wẹ ghi do yevbe Osanobua ne ọ gha tama rẹn ẹmwẹ ne ọ gha ta.

Itan 9:9

Emwi ne u a rhirhi tama umẹwaẹn, te ọ yae wan yọ. Emwi ne u a rhirhi tama ọmwa esi, te ọ rhie ba ẹre irẹnmwi.

Nọmbas 27:5

E Mosis keghi mu ẹzọ iran bu e Nọyaẹnmwa gha dee.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Diuteronomi 5:5

Ẹghẹ nii, mẹ keghi mudia ye ẹkpo Nọyaẹnmwa kevbe uwa ne I miẹn ehe na gha tama uwa hia vbene ọ kha hẹ, rhunmwuda ohan erhẹn nii mu uwa, wa ma vbe ho ne uwa hin uhunmwu oke nii. “E Nọyaẹnmwa keghi kha wẹẹ,

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”