Ẹksọdọs 18:16 - Edo Bible (E Baibol Ẹdo) Version 1996

¹⁶ Arhin eva gha vbe gui, iran ghi vbe bu mwẹ gha dee, I ghi rhie a se ne nọ rri a se, I ghi ta uhi kevbe iyi Osanobua ma iran.”

Ẹksọdọs 18:16 ပူးပေါင်းရင်းမြစ်များ

II Samuẹl 15:3

Absalọm ghi kha wẹẹ, “Uma miẹn nian, u te wa rri ase, sokpan, ọmwa ne ọba zẹe ye otọ i rrọọ ne ọ gha guan yọ ne uẹn.”

II Krọnikol 19:10

Ẹghẹikẹghẹ ne emwa ẹvbo na ne ihua a ya do gui ma uwa vbe ekpa izigha ọyẹvbu, ra a rra uhi, ra iyi ne ọ rhirhi a gha khin, wa ghi hẹko ma iran ẹre vbene iran gha ru hẹ vbe iran a gha gui ẹzọ nii, ne iran ghẹ ya rra uhi ọghe a rukhọ ghe Nọyaẹnmwa. Deghẹ ẹ i re te uwa ru vberriọ, wẹ kevbe emwa ẹvbo ruẹ ne ihua gha họn ẹmwẹ obọ ne ọ tọn ọghe ohu e Nọyaẹnmwa vbe egbe. Sokpan, a dẹghe wa winna iwinna uwa, wa i ra rri abe.

Job 31:13

“Ọkpa vbe uwu eguọmwadia mwẹ gha talọ ẹmwẹ mwẹ ma ọmwa, te I ye danmwehọ, I gha ye obọ ne ọ kere mu ẹẹn.

Ẹksọdọs 18:17

E Jẹtro keghi tama rẹn wẹẹ, “Vbene u ru ẹe na i maa.

Ẹksọdọs 2:13

Ẹdẹ ne ọ lele ẹe, ọ na vbe gha khian, ọ na miẹn ivbi e Hibru eva ni gu egbe iran gbinna, ọ keghi tama ne ọ ho ẹmwẹ vbọ wẹẹ, “Vbọzẹ ne u na gbe ovbi e Hibru ne ihua yi?”

Ẹksọdọs 23:7

Wa gha lẹ ne ẹmwẹ ne a ba ọmwa ẹre. Wa ghẹ gbe ọmwa ne ọ ma rukhọ rua, rhunmwuda I gha bu ohiẹn uwa gbe ọmwa ne ọ ru emwi dan vberriọ.

Ẹksọdọs 24:14

E Mosis keghi tama avbe ọkaolotu wẹẹ, “Wa mudia khẹ ima vbe agọ vbe emwa ma te rre. Errọn kevbe Họ gu uwa rre emwana, emwa nii mwẹ ohiẹn ne a ra bu sẹtin gha mu bu iran.”

Levitikọs 24:15

Iyeke ọnii, u ghi tama ivbi Izrẹl wẹẹ ọmwa ne ọ rhirhi tie ihẹn ne Osa, uhunmwu ọ ra ya yọ,

Nọmbas 15:35

Ẹre Nọyaẹnmwa na tama Mosis wẹẹ, “Te a ra gbe ọmwa ni uan; emwa nii hia ọre ọ ra filo okuta gbe ẹe rua vbe a lahin agọ rre nẹ.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

I Kọrinti 6:1

Adeghẹ ọkpa vbe uwu uwa gu ọtẹn ọvbehe muan ẹmwẹ, vbe ekhue ra gi ẹe mu ẹzọ bu avbe enibuohiẹn ni ma yayi hẹ yi? Ẹ i re emwa Osanobua ọre ọ kere ne ọ bu ẹre?

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.