Ẹksọdọs 18:12 - Edo Bible (E Baibol Ẹdo) Version 1996

¹² Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Ẹksọdọs 18:12 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 26:25

Aizik keghi gba aka ye evba ọ na ga Nọyaẹnmwa. Ọna bu agọ ẹre ye evba, avbe eguọmwadia re keghi fian uhae ọvbehe.

Gẹnẹsis 26:30

Aizik keghi le evbare ne iran, iran na re, iran na da.

Gẹnẹsis 31:54

Ọ keghi gbe aranmwẹ ne ọ ya zọ ese vbe uhunmwu oke. Ọ keghi tie emwa irẹn ne iran do rri evbare. Ugbẹn vbe iran ghi re nẹ, iran keghi gbe asọn nii vbe uhunmwu oke nii.

Gẹnẹsis 4:4

Iyekọnii, Ebẹl ke mu oteghe ohuan aranmwẹ ne emwi irri ẹre ka gha biẹ rre, ọ ke gbẹe, ọ ke ya ehe ne ọ maa sẹ vbọ zọ ese. Ẹko ke rhiẹnrhiẹn Nọyaẹnmwa ghe Ebẹl ke ese ne ọ zọ re.

Gẹnẹsis 43:25

Iran keghi mwamwa emwi ne iran ra ya ne Josẹf ye otọ khẹ ẹghẹ avan. Iran họn wẹ iran gha guẹe rri evbare.

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Job 42:11

Avbe etẹn e Job nikpia kevbe nikhuo kevbe avbe esiọ re, keghi do gha tuẹ Job. Iran keghi fu ẹre ẹko rre vbe ekpa ọlọghọmwa ne Nọyaẹnmwa mu yan rẹn. Ọkpọkpa vbe uwu iran keghi rhie igho kevbe oroka igoru ne ẹẹn.

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Ẹksọdọs 18:13

Vbe ikpẹdẹ ne ọ lele ẹe, e Mosis keghi tota ne ọ gha bu ohiẹn emwa nii. emwa kegha rrie ehe ne ọ ye ke owiẹ ya sẹ asọn.

Ẹksọdọs 2:20

Rẹn keghi nọ ivbi ẹre wẹẹ, “Rẹn ghi vbo nian? Vbọzẹ ne uwa na sọrae ye odẹ yi? Wa ya tie ẹre rre ne ọ do gu ima rri evbare.”

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Ẹksọdọs 24:11

Osanobua ma ru avbe ọkaolotu Izrẹl emwi ikuangbe. Iran dẹghe Osanobua iran keghi koko re, iran na vbe koko da.

Ẹksọdọs 24:5

Rẹn keghi gie igbama vbe uwu ivbi Izrẹl, iran na ya zọ ese ne a wa giẹn uan, iran na vbe gbele ẹkhuia ẹmila ya zọ ese ghe Nọyaẹnmwa, zẹvbe izọese ọghe isara.

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Ẹksọdọs 33:7

Ẹghẹikẹghẹ ne ivbi Izrẹl ya bu agọ, e Mosis ghi dada Owa Ukpọn na, ọ ghi muẹn lahin agọ sẹ urria kherhe. Ọ kegha tie ẹre Owa Ukpọn ehe ne Nọyaẹnmwa ye, ọmwaikọmwa ne ọ ho ne ọ gualo otọ emwi vbe obọ Nọyaẹnmwa ghi ladian gha rrie evba.

Daniẹl 10:3

I ma rri evbare esi, I ma rri emiowo rhọkpa, I ma da ayọn, I ma salọ eto mwẹ vbe uzọla eha nii tedo gba gberra.

Nọmbas 10:29

E Mosis keghi tama Hobab ne ovbi Jetro ne orruan rẹn ne ovbi Midian wẹẹ, “Te ima ghi ra kpao gha rrie ehe ne Nọyaẹnmwa khare ighẹ rẹn gha mu ne ima. Ọ yan mẹ wẹ rẹn gha ya Izrẹl khian ne ọ fee, lele ima gha dee, ma gha ghae ne uẹn vbe ẹfe ima.”

Iyẹn ne ọ Maan Ọghe Luk 14:1

Ẹdẹ ọkpa, vbe Ẹdẹ Ikẹtin, Jesu keghi ya rri evbare vbe owa Farisi kpataki ọkpa, emwa ni bun kegha baba Jesu.

Iyẹn ne ọ Maan Ọghe Luk 14:15

Ọkpa vbe uwu emwa ni rre evba ghi họn ẹmwẹ na, ọ wẹẹ, “Ọ ma kan iran ni gha rri evbare vbe Arriọba Osanobua.”

I Kọrinti 10:18

Wa ghe avbe emwa Hibru, iran ni re vbe emwi ne a ya zẹ ese, te iran ghae vbe ugamwẹ ne a ke ya ga Osanobua.

I Kọrinti 10:21

Wẹ i ra sẹtin gha wọn vbe ukpu ọghe Nọyaẹnmwa kevbe ukpu avbe esu.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Diuteronomi 12:7

Vbe evba nii, vbe odaro e Nọyaẹnmwa Osanobua uwa, ne ọ fiangbe uwa, wẹ kevbe ẹgbẹe ruẹ gha re, wa ghi gha ghọghọ rhunmwuda avbe emwi esi ne uwa miẹn ẹsọn yi.

Diuteronomi 27:7

evba wa gha na vbe gha zẹ ese, wa ghi vbe rri evbare ọghe isara vbe evba, wa ghi vbe gie ẹko uwa gha rhiẹnrhiẹn vbe odaro e Nọyaẹnmwa Osanobua rua.