Ẹksọdọs 18:10 - Edo Bible (E Baibol Ẹdo) Version 1996

¹⁰ Ọ keghi kha wẹẹ, “Rho e Nọyaẹnmwa ne ọ miẹn ruẹn fan vbe obọ ivbi Igipt kevbe ọba Igipt. Rho e Nọyaẹnmwa ne ọ miẹn emwa rẹn fan vbe ne iran na te re eviẹn rre.

Ẹksọdọs 18:10 ပူးပေါင်းရင်းမြစ်များ

Gẹnẹsis 14:20

Te Osanobua Nọyosẹ, ne ọ rhie akhọnmiotọ nuẹn vbe uhunmwu avbe eghian ruẹn gha re ne a rho!” Ebram keghi wa emwi ne ọ viọ rre ye ihe igbe, ọ na viọ obọkpa vbọ ne Mẹlkizẹdẹk.

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

II Samuẹl 18:28

Ahimaz keghi da tuẹ ọba, ọ na mu ẹko rhu otọ vbe odaro ẹre, ọ na kha wẹẹ, “Rhie urhomwẹ ne Nọyaẹnmwa Osanobua ruẹ, ọmwa ne ọ gie obọ ruẹ ke ukhunmwu ne emwa ni sọtẹ ghe ruẹ, Umogun!”

I Ọba 8:15

Ọ keghi kha wẹẹ, “Wa rho e Nọyaẹnmwa Osanobua Izrẹl! Ọ mu eyan ne ọ yan ma e Devid ne erha mwẹ sẹ, ẹkpo ne ọ na tama rẹn wẹẹ,

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

Psalm 41:13

Wa rho e Nọyaẹnmwa, ne Osanobua Izrẹl. Rho ẹre nian kevbe ẹdẹdẹmwẹdẹ. Isẹ! Isẹ!

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

I Tẹsalonaika 3:9

Vbe ọghe banbanna, ma sẹtin kpọnmwẹ Osanobua ne uwa. Ma ghi kpọnmwẹ ọẹn ye ọyẹnmwẹ ne ọ sẹ mwa vbe odaro Osanobua mwa, rhunmwuda uwa.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Samuẹl 15:6

Ọ keghi tama ivbie Ken wẹẹ, “Wa ladian ne uwa kpao sẹ ivbi Amalẹk rae, ne I ghẹ gbele uwa ba iran. Wa mwẹ itohan ghe ivbi Izrẹl ẹghẹ vbe iran ke Igipt dee.” Ẹre emwa Ken na kpao.

I Samuẹl 25:32

E Devid keghi wanniẹn tama rẹn wẹẹ, “Rhie urhomwẹ ne Nọyaẹnmwa ne Osanobua Izrẹl ne ọ gie uẹ bu mwẹ gha dee ẹrẹna!