Ẹksọdọs 18:1 - Edo Bible (E Baibol Ẹdo) Version 1996

¹ E Jẹtro ne ohẹn e Midian, ne ọre erha amwẹ Mosis keghi họn emwi hia ne Osanobua ru ne Mosis kevbe avbe ivbi Izrẹl ẹghẹ vbe ọ viọ iran ke Igipt ladian.

Ẹksọdọs 18:1 ပူးပေါင်းရင်းမြစ်များ

Psalm 105:43

Erriọ ọre ọ na su avbe emwa rẹn, ne ọ hannọ zẹ ladian, iran so ihuan, iran kegha we uwemwẹ oghọghọ.

Psalm 105:5

Wa ne ivbi uniẹn Ebraham, ọguọmwadia ẹre; wa ne ivbi uniẹn Jekọb, ọmwa ne irẹn hannọ zẹ; wa ye iwinna ọyunnuan ne Osanobua winna ẹn rre, kevbe avbe ohiẹn ne ọ buru.

Psalm 106:2

Gha ọ gha sẹtin na iyẹn, iwinna ọyunnuan hia ne ọ he winna ẹn? De ọmwa ne ọ gha sẹtin rho ẹre zẹ vbe ne ọ ke yi?

Psalm 34:2

1 gha rho ẹre ye iwinna ne ọ winna ẹn. Wa gie emwa ne a zẹ kpokpo hia, damwehọ ne iran vbe gha ghọghọ.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Psalm 78:4

Ma i ra viọ iran lẹre ne avbe ivbi mwa ma gha tae ma orre ne ọ ghi lele ẹe ekpa ọghe ẹtin e Nọyaẹnmwa kevbe avbe iwinna nekhua ne ọ winna ẹn kevba avbe emwi ọyunnuan ne ọ he ru.

Ẹksọdọs 2:18

Ugbẹn vbe iran ghi bu erha iran gha die owa, ọ keghi nọ iran wẹẹ, “Vbe uwa na rherhe rre sẹrriọ hẹ ere na yi?”

Ẹksọdọs 2:21

E Mosis na ghi wa tota vba, ọre Jẹtro na rhie ovbi ẹre ne a tie ẹre Zipora nẹẹn ne ọ rhie rọnmwẹ.

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Ẹksọdọs 4:18

E Mosis keghi dọlegbe bu Jẹtro ne orruan rẹn gha khian, ọ keghi tama rẹn wẹẹ, “Lahọ, gunmwe kpao, I ra bu etẹn mwẹ ni rre Igipt ne I ya ghe a deghẹ iran ye rre agbọn.” E Jẹtro keghi gbe ọ khian ẹdẹ hia nẹẹn.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Nọmbas 10:29

E Mosis keghi tama Hobab ne ovbi Jetro ne orruan rẹn ne ovbi Midian wẹẹ, “Te ima ghi ra kpao gha rrie ehe ne Nọyaẹnmwa khare ighẹ rẹn gha mu ne ima. Ọ yan mẹ wẹ rẹn gha ya Izrẹl khian ne ọ fee, lele ima gha dee, ma gha ghae ne uẹn vbe ẹfe ima.”

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 15:12

Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju.

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

Jọsua 2:10

Ma họn vbene Nọyaẹnmwa ka okun Nọ Baa hẹ vbe odaro uwa vbe uwa kpa hin Igipt rre. Ma họn ẹn vbe ne uwa gbele avbe ọba eva ọghe Amọri, Saihọn kevbe Ọg, vbe odẹ ahọ ọghe Jọdan, ke ẹe kevbe ivbiyokuo iran.

Jọsua 9:9

Iran keghi ta okha egbe iran ma rẹn wẹẹ, “Evbavba, ehe ne ima kerre wa rrei ẹsẹse rhunmwuda ma họn ẹmwẹ e Nọyaẹnmwa Osanobua ruẹ. Ma họn otiti emwi ne ọ ru vbe Igipt.

Giọgis 1:16

Ivbi orruan e Mosis, nokpia ne ivbi e Ken keghi lele ivbi e Juda ke Jẹriko ne, ẹvbo udin kpao gha rrie ẹgbo Juda vbe odẹ ekẹn Arad. Iran keghi gu emwa Amẹlẹk yin evba.

Giọgis 4:11

Banbanna nian, e Hebẹ ne ọmwa Ken keghi tan owa ukpọn rẹn sikẹ Kedẹs ye ọkpẹn okan ne ọ rre Zananim. Ọ si kpao hin ehe ne emwa Ken nekpa ye ighẹ ivbi Hobab ne erha amwẹ Mosis.