Ẹksọdọs 17:7 - Edo Bible (E Baibol Ẹdo) Version 1996

⁷ A kegha tie evba nii, “Masa,” kevbe “Mẹriba,” rhunmwuda te ivbi Izrẹl gha gui, iran na vbe danmwẹ Nọyaẹnmwa ghe vbe iran khare wẹẹ, “Nọyaẹnmwa gu ima rrọọ ra ẹ i gu ima rrọọ?”

Ẹksọdọs 17:7 ပူးပေါင်းရင်းမြစ်များ

Psalm 106:32

Vbe ovbi ẹzẹ e Mẹriba emwa ni keghi vbe ya ohu mu e Nọyaẹnmwa, e Mosis keghi la ẹmwẹ rhunmwuda iran.

Psalm 78:18

Iran na wa yan ru ẹe ne iran danmwẹ Osanobua ghe, vbe ne iran na gha nọ evbare ne ọ khọn iran.

Psalm 81:7

Ẹghẹ ne uwa na gha rre uwu ọlọghọmwa, wa kpe tie mwẹ, I keghi miẹn uwa fan, ehe ne I lẹre yi vbe uwu okpẹhoho, ọ re I ke rhie ewanniẹn ne uwa, I keghi danmwẹ uwa ghe vbe ẹzẹ Mẹriba.

Psalm 81:8

Wa ne emwa, wa danmwehọ ibude mwẹ, vbe ọ rrọ nian wẹ wa gha họn ẹmwẹ mẹ ivbi Izrẹl!

Psalm 95:8

“Wa ghẹ ze vbe udu, vbene avbe erha uwa ru vbe Mẹriba vbe ẹghẹ nii vbe iran rre ato Messa.

Ẹksọdọs 17:2

Iran kegha gu e Mosis gui wẹẹ, “Rhie amẹ ne ima wọn.” E Mosis wanniẹn tama iran wẹẹ, “Vbọzẹ ne uwa na gunmwẹ gui yi? Vbọzẹ ne uwa na danmwẹ e Nọyaẹnmwa ghe?”

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Nọmbas 20:13

Emwi na sunu vbe Mẹriba vbe ehe ne ivbi Izrẹl na gha gui ẹzọ uwunu ghe Nọyaẹnmwa, ehe ne irẹn na vbe rhie maa iran wẹ ọmwa ne ọ huanrẹn rẹn khin.

Nọmbas 20:24

“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba.

Nọmbas 27:14

Rhunmwuda wa eva ọre ọ sọtẹ uhi mwẹ vbe ẹgbo e Zin. Ẹghẹ ne emwa ni na gha gui ẹzọ uwu unu ghe mwẹ vbe Mẹriba. wa ma kue ne uwa miẹn ẹtin mwẹ nọhuanrẹn kue ma iran.” (Mẹriba ọrọre ẹzẹ ne ọ rre Kedẹs vbe uwu ẹgbo Zin).

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.

Diuteronomi 33:8

Ọ keghi kha vbe ekpa ọghe ẹwae Livai wẹẹ: “Wẹ ne Nọyaẹnmwa, ye egbe ruẹ ne a rẹn vbe ekpa Urim kevbe Tumin, la obọ avbe Livai, ne eguọmwadia esi ruẹ wẹ danmwẹ iran ghe vbe Masa u kevbe miẹn otọ iran ye emwata vbe ẹzẹ Mẹriba.

Diuteronomi 6:16

“Wa ghẹ danmwẹ Nọyaẹnmwa Osanobua rua ghe, zẹ vbene uwa ru vbe Masa.

Diuteronomi 9:22

“Wa keghi vbe ya ohu mu e Nọyaẹnmwa Osanobua rua ẹghẹ ne uwa na gha rre Tabẹra, Masa kevbe Kibrot Hatava.

Jọsua 22:31

E Finihaz ne ovbi Eliaza ne ohẹn keghi tama iran wẹẹ, “Banbanna nian, ma rẹnrẹn wẹ, e Nọyaẹnmwa gu ima rrọọ, rhunmwuda, wa ma sọtẹ ghe e Nọyaẹnmwa, wa kevbe fannọ ivbi Izrẹl hin obọ irrioya ọghe Nọyaẹnmwa rre.”