Ẹksọdọs 17:12 - Edo Bible (E Baibol Ẹdo) Version 1996

¹² Ugbẹn vbe obọ ghi yan e Mosis, Errọn vbe Họ keghi mu okuta, iran na mu ẹn yo ọre akharha, rẹn keghi tota yan rẹn vbene iran na mudia ye asefẹn ọnrẹn, iran keghi dada ẹre obọ, iran ke da ẹe yi gbain vbe owẹn te ya dero.

Ẹksọdọs 17:12 ပူးပေါင်းရင်းမြစ်များ

Psalm 35:3

Viọ asoro kevbe ogala ruẹ ladian ne u mu aro da iran ni khu mwẹ khian tama mwẹ wẹẹ u gha miẹn mwẹ fan.

Ẹksọdọs 17:11

E Mosis gha viọ obọ da odukhunmwu, ivbi Izrẹl ghi gha khọnmiotọ, sokpan, ọ gha viọ obọ ghe otọ, ivbi Amalẹk ghi gha khọnmiotọ.

Ẹksọdọs 17:13

Ẹre Jọsua na wa khọn ivbi Amalẹk muotọ.

Ẹksọdọs 24:14

E Mosis keghi tama avbe ọkaolotu wẹẹ, “Wa mudia khẹ ima vbe agọ vbe emwa ma te rre. Errọn kevbe Họ gu uwa rre emwana, emwa nii mwẹ ohiẹn ne a ra bu sẹtin gha mu bu iran.”

Aizaia 35:3

Rhie iwegbe ne avbe obọ ne egbe wọre kevbe avbe igue ni guọ rhunmwuda a ma wegbe.

II Kọrinti 1:11

Vbene uwa na ya erhunmwu uwa ye ima obọ, ọ re a gha na miẹn wẹ, a gha họn erhunmwu ni bun ne a na ne ima, Osanobua gha vbe fiangbe ima, emwa ni bun ghi tọn urhu mu ya kpọnmwẹ ọẹn ne ima.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Filipai 1:19

Rhunmwuda, mẹ rẹnrẹn wẹ, rhunmwuda erhunmwu uwa, kevbe rhunmwuda iyobọ ne ọ ke Orhiọn Jesu Kristi rre, a gha fan mwẹ fua.

Kọlose 4:2

Wa mu aro ye erhunmwu ne a na, wa sikhua vbe uwa a gha na erhunmwu, ne uwa gha kpọnmwẹ Osanobua.

I Tẹsalonaika 5:25

Etẹn mwa, wa vbe gha na erhunmwu ne ima.

Hibru 12:12

Rhunmwuda ọnii, wa gie obọ uwa ne lughọlughọ si tua, wa vbe gie igbọn ne ọ rhie gbe egbe de ziẹn.

Jems 1:6

Sokpan, u gha na erhunmwu, u ghi yayi vbe ne a i na ba iro eva hiehiere, rhunmwuda, ọmwa ne ọ ba iro eva, te ọ yevbe ihu okun ne ẹhoho mu yo mu rre.