Ẹksọdọs 16:7 - Edo Bible (E Baibol Ẹdo) Version 1996

⁷ Vbe owiẹ, wa gha miẹn awanwan ne ẹi gie a ghe ọghe ehe ne Nọyaẹnmwa ye. Ọ họn ẹzọ ne uwa gu irẹn gui, rhunmwuda uhunmwu ne ọ gie ọre ima yo.”

Ẹksọdọs 16:7 ပူးပေါင်းရင်းမြစ်များ

Ẹksọdọs 16:10

Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 16:12

“I họn ẹzọ ne ivbi Izrẹl gui, Tama iran wẹ ẹdẹ gha wan dee, iran gha miẹn emiowo re, ọ gha sẹ ẹghẹ owiẹ, iran gha vbe miẹn ebrẹd vbe ne iran ho. Ẹghẹ nii, iran gha rẹn wẹ mẹ ne Nọyaẹnmwa ọrọre Osanobua iran.”

Ẹksọdọs 16:8

E Mosis keghi kha wẹẹ, “E Nọyaẹnmwa ọre ọmwa ne ọ ra rhie emiowo ne uwa re vbe ota kevbe inu ebrẹd ne uwa ho vbe owiẹ, rhunmwuda ọ họn vbe ne uwa ghi gui ẹzọ irẹn hiẹ.”

Ẹksọdọs 24:10

Iran keghi bẹghe Osanobua Izrẹl. Otọe vbe ehe ne owẹ ọre ye keghi yevbe otọ owa ne a ya okuta ẹrọnmwọ ne raghoragho ru, ọ keghi de wainwain ze vbe iso.

Ẹksọdọs 24:16

Uyi ọghe Nọyaẹnmwa keghi tuo rre yan oke nii. Ivbi Izrẹl gha ghẹ ẹre awanwan nii keghi yevbe erhẹn ne ọ wa giẹn vbe uhunmwu oke nii, okuku keghi degue ẹre la ikpẹdẹ ehan, vbe ikpẹdẹ ne ne ogihinrọn, e Nọyaẹnmwa keghi datie Mosis ke adesẹneva okuku nii gha dee.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 40:5

Ẹghẹ nii, a ghi rhie uyi e Nọyaẹnmwa ne a miẹn, emwa ne agbọn hia gha vbe miẹn ọẹn e Nọyaẹnmwa tobọ ẹre yan ọna yotọ nẹ.”

Levitikọs 9:6

E Mosis keghi kha wẹẹ, “Te e Nọyaẹnmwa tama uwa ne uwa ru avbe emwi na hia ne uwa sẹtin bẹghe awanwan uyi irẹn.”

Nọmbas 14:10

Emwa nii ghi te ra filo okuta gbele iran an, sokpan vbe udomwurri, iran keghi ya bẹghe vbe uwanmwẹ ne ẹ i gia ghe nii ne ọ rhie maa we Nọyaẹnmwa re evba, rhie egbe ladian yan Owa Ukpọn Ile.

Nọmbas 14:27

“Vbe avbe emwa dan na ra gui ẹzọ uwu unu ghe mwẹ kpẹe sẹhẹ yi? Ẹzọ uwu unu ne I he họn vbe unu iran sẹe.

Nọmbas 16:11

Wa gha gui ẹzọ uwu unu ghe Errọn, vbe ẹmwata, e Nọyaẹnmwa ọre uwẹ vbe irogho ruẹ sọtẹ ọre.”

Nọmbas 16:42

Iran ghi si koko nẹ ne iran ya gui ẹzọ ọghe ọ ma kei ma e Mosis kevbe Errọn, iran keghi gbe aro ghe odẹ Owa Ukpọn Ile, iran keghi miẹn wẹ okuku degue ẹre kevbe wẹ uwanmwẹ ne ẹ i gia ghe, ne ọ rhie maa ighẹ Nọyaẹnmwa rre evba vbe rhie egbe maa.

Nọmbas 17:5

Ọkpọ ọghe ọmwa ne I hannọ zẹ gha gbe ukhu. Odẹ vberriọ ọre I gha ya gbe ẹre ukhu a ighẹ ẹzọ ne ivbi Izrẹl guẹ gui kugbakẹghẹrẹ.”

Iyẹn ne ọ Maan Ọghe Jọn 11:4

Ugbẹn vbe Jesu ghi họn, ọ wẹẹ, “Emianmwẹ na i ra gbe Lazarọs, sokpan te ọna sunu ne a ya ẹe rhie uyi ne Osanobua, kevbe ne a vbe la ekpa ẹre rho Ovbi Osanobua vbe uyi.”

Iyẹn ne ọ Maan Ọghe Jọn 11:40

Jesu tama rẹn wẹẹ, “Mẹ ma tama ruẹn nẹ wẹẹ u gha miẹn uyi Osanobua adeghẹ u yayi.”