Ẹksọdọs 16:28 - Edo Bible (E Baibol Ẹdo) Version 1996

²⁸ Ẹre Nọyaẹnmwa na tama e Mosis wẹẹ, “Inu ẹghẹ wa ra rra uhi kevbe iyi mwẹ la yi?

Ẹksọdọs 16:28 ပူးပေါင်းရင်းမြစ်များ

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

II Ọba 17:15

Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.

Psalm 106:13

Sokpan, banbanna, iran vbe mianmian iwinna ne ọ winna ẹn nẹ, iran na gha ru emwi, vbe ne ai na dia khẹ vbene ọ kha hẹ.

Psalm 78:10

Iran ma mu ile ne iran gu Osa ta sẹ, iran keghi he, ne iran ya uhi ẹre ru emwi.

Psalm 78:22

Rhunmwuda, iran ma mu ẹtin yan rẹn iran ma vbe yayi ighẹ ọ gha miẹn iran fan.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 16:27

Vbe ikpẹdẹ ne ogihinrọn, emwa eso keghi ladian ne iran ya rhọ evbare sokpan iran ma miẹn.

Ẹksọdọs 16:29

Yerre wẹ mẹ ne Nọyaẹnmwa ọre ọ rhie Ẹdẹ Ikẹtin ne uwa, ọnii ọre ọ zẹe ne I na viọ evbare ukhukhu eva ne uwa vbe ikpẹdẹ ne ogiehan. Dọmwadẹ ọghọe ghi gha rre ehe ne ọ ye vbe ẹdẹ ne ne ogihinrọn, ọmwa rhọkpa ghe kpa hin owa rre.”

Aizaia 7:13

Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Ezikiẹl 20:16

I yan eyan ni rhunmwuda, iran he iyi mwẹ yotọ, iran rra uhi mwẹ, iran keghi vbe mu Ẹdẹ Ikẹtin rhia, ẹbọ iran ne iran ga ọ re ọ yẹ iran sẹ.

Ezikiẹl 5:6

Sokpan, e Jerusalẹm keghi sọtẹ ghe uhi mwẹ, ọ keghi rhie ma wẹ rẹn ọ re ọ ru ọmwa dan sẹẹ avbe ẹvbo nekpa, rẹn ọ re ọ vbe zẹ utun vbe ehọ sẹẹ avbe ẹvbo nekpa ni lẹga ẹre. E Jerusalẹm he iyi mwẹ yotọ, ọ keghi vbe he ne ọ mu uhi mwẹ sẹ.

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Nọmbas 20:12

Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”

Iyẹn ne ọ Maan Ọghe Mak 9:19

Jesu khama iran wẹẹ, “Wa izẹdẹ mwẹ iyayi hiehie re! Vbe I a gha kpee sẹ hẹ vbe ehe ne uwa ye? Vbe I a gha mu ẹmwẹ uwa wo egbe kpee sẹ hẹ! Rhie ne ọvbokhan gun mwẹ.”