Ẹksọdọs 16:25 - Edo Bible (E Baibol Ẹdo) Version 1996

²⁵ E Mosis keghi kha wẹẹ, “Wa rri ọna ẹrẹna rhunmwuda Ẹdẹ Ikẹtin ne a ya fiohan ne Nọyaẹnmwa ọre ọna khin, wa i ra vbe miẹn evbare vbe uwu oha.

Ẹksọdọs 16:25 ပူးပေါင်းရင်းမြစ်များ

Nehimaia 9:14

U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 16:24

Zẹ vbene Mosis khare, iran keghi ya nii kẹrre gbakhua khẹ ẹdẹ ne akhuẹ, ọ ma rhia, ọ ma vbe guọkhọe rua.

Ẹksọdọs 16:26

Wa ghi rhọ ẹre la ikpẹdẹ ehan, sokpan vbe ikpedẹ ne ogihinrọn ne ọ re Ẹdẹ Ikẹtin, ẹ i khian gha rrọọ.”

Ẹksọdọs 16:29

Yerre wẹ mẹ ne Nọyaẹnmwa ọre ọ rhie Ẹdẹ Ikẹtin ne uwa, ọnii ọre ọ zẹe ne I na viọ evbare ukhukhu eva ne uwa vbe ikpẹdẹ ne ogiehan. Dọmwadẹ ọghọe ghi gha rre ehe ne ọ ye vbe ẹdẹ ne ne ogihinrọn, ọmwa rhọkpa ghe kpa hin owa rre.”