Ẹksọdọs 16:21 - Edo Bible (E Baibol Ẹdo) Version 1996

²¹ Iran kegha rhọ ẹre owiowiẹ zẹ vbene ọ gha sẹ ne dọmwadẹ ọghọe, sokpan ugbẹn vbe ovẹn a ghi gha yunmwu, nii kẹrre vbe otọ ghi ranran kua.

Ẹksọdọs 16:21 ပူးပေါင်းရင်းမြစ်များ

Ẹksọdọs 16:20

Sokpan eso vbọ ma zẹ ye Mosis re, iran keghi viọ eso hin rre vbọ khẹ ẹdẹnakhuẹ. Ẹdẹ ghi gbe, ọ keghi vuọn ne ọkhọe, ọ keghi kẹkẹ ya, ọ wia. Ohu iran keghi mu e Mosis.

Ẹksọdọs 16:22

Vbe ẹdẹ ne ogiehan, iran ghi rhọ ukhukhu eva, ago enẹ ne orhiọnkpọkpa. Avbe ọkaolotu nii rrọọ hia keghi do na iyẹn ma e Mosis.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.