Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹksọdọs 16:15 - Edo Bible (E Baibol Ẹdo) Version 1996

15 Ugbẹn vbe ivbi Izrẹl ghi miẹn ọẹn, iran ma rẹn emwi ne ọ khin, iran na gha nọ egbe ọta wẹẹ, vbe ọna khin yi? E Mosis keghi tama iran wẹẹ, “Ebrẹd ne Nọyaẹnmwa viọ gie uwa re ọre ena khin.

အခန်းကိုကြည့်ပါ။ ကော်ပီ




Ẹksọdọs 16:15
19 ပူးပေါင်းရင်းမြစ်များ  

“Ẹghẹ ne ohanmwẹ na gha gbe iran, u ke ẹrinmwi koko iran. U tue amẹ ke uwu okuta gie iran, vbe ovbamẹ gbe iran, u tama iran ne iran gha kha yan otọ nii, ne u yan yi wẹ u mu ne iran.


Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.


Iran nọ rẹn ọ keghi viọ ukobozo gie iran, ọ rhie evbare gie iran ke ẹrinmwi rre ne ọ gie ẹko vuọn iran.


ọ viọ ọka ke ẹrinmwi gie iran vbe ne ọ na viọ emana gie iran re.


Ivbi Izrẹl ke gha tie nene evbare mana. Ọ keghi yevbe ighọn akọnifua, ọ ke gha fuọfua, ọ ghi yevbe ebrẹd fẹrhẹfẹrhẹ ne a ya owọn ru.


E Mosis keghi tama Errọn wẹẹ, “Rhie uru, mwa ago eva ọghe emana ye uwu ẹre, ne u muẹn ye odaro e Nọyaẹnmwa, ne a mu hin rre khẹ emọ ne ima gha biẹlẹ.”


E Nọyaẹnmwa keghi tama e Mosis wẹẹ, “Mẹ ra ru ẹe ne ebrẹd gha dele ke odukhunmwu rre ne uwa hia, dọmwadẹ ọghọe vbe uwu avbe emwa nii ghi gha ladian ya gha rhọ ne ọ gha sẹ vbe ọghe ẹdẹ ọkpa. Vbe nian ọre I gha ya danmwẹ iran ghe, a deghẹ iran gha ya uhi mwẹ ru emwi.


“Larre do rri evbare mwẹ ne u vbe da ayọn ne i guare.


Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”


Rhunmwuda, avbe emwi na hia ọre iran ni ma yayi fie ho khian. Erha uwa rẹnrẹn ighe wa lo avbe emwi na hia.


Avbe erha uwa odede rri e mana vbe otọ ato, sokpan iran vbe wulo.


Rhunmwuda ọnii nian, ọnọna ọrọre nene evbare ne ọ ke ẹrinmwi re, ẹ i re egbe evbare ne avbe erha uwa odede re, ne iran na ye wulo, ọmwa ne ọ rhirhi rri evbare na, gha rrọọ ẹdẹdẹmwẹdẹ.”


Ọ rhie mana ne uwa re vbe uwu ato, egbe evbare ne avbe erha uwa odede ma re ẹdẹ. Ọ keghi gie ọlọghọmwa gie uwa ne ọ miẹn ehe na danmwẹ uwa ghe, ne ọ miẹn ehe na ya emwi ne ọma fiangbe uwa vbe okiekie.


“Ọ ye ovbamẹ gbe uwa, ọ na do rhie mana ne uwa re, evbare ne uwa kevbe avbe erha uwa odede ma he re ẹdẹ. Te ọ ru ọna rhie ma uwa wẹ evbare ọkpa ma sẹ ne ọmwa ye egbe yan ne ọ ya gha rre agbọn, emwi ne ọ khẹ ke ọmwa ọrọre ẹmwẹ ne Osanobua ta ẹe.


Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.


Vbe iyeke ọnii, emana keghi dobọyi, ọ ma ghi dele rre. ivbi Izrẹl ma ghi vbe miẹn. Iran keghi suẹn vbe ukpo nii gha rri evbare ne a rhọre vbe otọe Kenan.


“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ