Ẹksọdọs 16:10 - Edo Bible (E Baibol Ẹdo) Version 1996

¹⁰ Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 16:10 ပူးပေါင်းရင်းမြစ်များ

Ẹksọdọs 16:11

E Nọyaẹnmwa keghi tama e Mosis wẹẹ,

Ẹksọdọs 16:7

Vbe owiẹ, wa gha miẹn awanwan ne ẹi gie a ghe ọghe ehe ne Nọyaẹnmwa ye. Ọ họn ẹzọ ne uwa gu irẹn gui, rhunmwuda uhunmwu ne ọ gie ọre ima yo.”

Ẹksọdọs 24:16

Uyi ọghe Nọyaẹnmwa keghi tuo rre yan oke nii. Ivbi Izrẹl gha ghẹ ẹre awanwan nii keghi yevbe erhẹn ne ọ wa giẹn vbe uhunmwu oke nii, okuku keghi degue ẹre la ikpẹdẹ ehan, vbe ikpẹdẹ ne ne ogihinrọn, e Nọyaẹnmwa keghi datie Mosis ke adesẹneva okuku nii gha dee.

Levitikọs 9:23

E Mosis kevbe Errọn keghi la uwu Owa Ukpọn Ile, iran ghi ladian, iran keghi fiangbe emwa nii, uyi e Nọyaẹnmwa keghi rhie egbe ma emwa nii hia.

Levitikọs 9:6

E Mosis keghi kha wẹẹ, “Te e Nọyaẹnmwa tama uwa ne uwa ru avbe emwi na hia ne uwa sẹtin bẹghe awanwan uyi irẹn.”

Nọmbas 14:10

Emwa nii ghi te ra filo okuta gbele iran an, sokpan vbe udomwurri, iran keghi ya bẹghe vbe uwanmwẹ ne ẹ i gia ghe nii ne ọ rhie maa we Nọyaẹnmwa re evba, rhie egbe ladian yan Owa Ukpọn Ile.

Nọmbas 16:19

Ẹre Kora na si emwa ni hia koko, iran keghi mudia viọ aro da e Mosis kevbe Errọn vbe onurho Owa Ukpọn. Vbe udomwurri, uwanmwẹ ne ẹ i gia ghe nii, ne a ya rẹn ighẹ Nọyaẹnmwa rre evba, keghi rhie egbe maa emwa nii hia.

Nọmbas 16:42

Iran ghi si koko nẹ ne iran ya gui ẹzọ ọghe ọ ma kei ma e Mosis kevbe Errọn, iran keghi gbe aro ghe odẹ Owa Ukpọn Ile, iran keghi miẹn wẹ okuku degue ẹre kevbe wẹ uwanmwẹ ne ẹ i gia ghe, ne ọ rhie maa ighẹ Nọyaẹnmwa rre evba vbe rhie egbe maa.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”