Ẹksọdọs 15:7 - Edo Bible (E Baibol Ẹdo) Version 1996

⁷ Vbe uwe akhọnmiotọ ruẹ nọkhua u rrua iran ne eghian ruẹn gbe otọ izohu ruẹ baa ladian, ọ keghi giẹn iran an zẹ vbe irunmwu ni ka ẹe.

Ẹksọdọs 15:7 ပူးပေါင်းရင်းမြစ်များ

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 148:13

Gie iran hia rho eni e Nọyaẹnmwa! Eni ẹnrẹn kpọlọ sẹ nekpa hia fẹẹrẹ; uyi ẹre yosẹ agbọn kevbe ẹrinmwi.

Psalm 59:13

Fuẹn iran an vbe ohu ruẹ, wa fuẹn iran an fẹẹrẹ, ẹghẹ nii, emwa hia ghi rẹn wẹ Osanobua ọ re ọ khaemwisẹ vbe Izrẹl kevbe wẹ asẹ ọ re gba otọe agbọn hia.

Psalm 68:33

Ghe irẹn nii ne ọ hin khian vbe iso ẹvbo nẹdẹ nii wa danmwehọ ẹre vbe ọ ya urhu ne ọ la davan.

Psalm 83:13

Zagha iran kua zẹ vbe ẹbe nọkakae ne ẹhoho hoho kua.

Ẹksọdọs 14:27

Ẹre Mosis na niẹn obọ ẹre da okun, ẹdẹ ghi gbe, ẹzẹ keghi ro zẹ vbene ọ ka ye ẹdẹ. Ivbi Igipt ghi te ho ne iran lẹ, e Nọyaẹnmwa keghi filo iran ku uwu okun.

Ẹksọdọs 5:12

Rhunmwuda ọnii, emwa nii na ragha gba otọ Igipt hia ya gha gualọ irunmwu.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 37:17

Banbanna nian, e Nọyaẹnmwa, danmwehọ mwa ne u vbe ghe emwi ne ima miẹn. Danmwehọ avbe ẹmwẹ ne Senakẹrib ta ne ọ ya kpa unu ghe ruẹ, wẹ ne Osanobua ne ọ rrọọ.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 37:29

A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Aizaia 47:14

“Te iran ra gha yevbe iku irunmwu ni bunnọẹn erhẹn ghi giẹn ehia a! Iran i ra kue sẹtin miẹn egbe iran fan erhẹn ni gha yọn ne iran gbe, ẹ i re erhẹn kherhe ne a ghae.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Maika 4:11

Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”

Zẹkaraia 14:3

Ẹghẹ nii, e Nọyaẹnmwa gha ladian ya gu avbe uhunmwu ẹvbo nii gbinna zẹ vbene ọ ka ru ẹe yi vbe ẹghẹ ne ọ gberra.

Zẹkaraia 14:8

Ọ gha sẹ ẹdẹ ne ẹdẹrriọ, amẹ ne ọ hianrẹn gha lẹ ke Jerusalẹm rre, obọ ọkpa vbọ gha lẹ ghe Okun nọwu, obọ ọkpa ghe Meditẹrrenian. te ọ ra wa lẹ ne ukpo gbe, vbe ẹghẹ orhọ kevbe uyunmwu.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Iwinna 9:4

Rẹn keghi de gbe otọ, ọ keghi họn vbe urhu ọkpa tama rẹn wẹẹ, “Sọl, Sọl, vbọzẹ ne u na zọ mwẹ owẹ?”

Diuteronomi 33:26

“Wa ne ivbi Izrẹl, ẹbọ ne ọ yevbe Osanobua uwa i rrọọ, ne ọ ye ose nọkhua hin fian iso rra, ọ na hin la okuku amẹ do ye uwa obọ.

Diuteronomi 4:24

Rhunmwuda Osanobua uwa i ho ne a gha gu ẹe mwa ẹrrẹe, te ọ yevbe erhẹn ne ọ baa gidigidi.

Hibru 12:29

Rhunmwuda Osanobua mwa, erhẹn ne ọ fuẹn emwi uan nọ.