Ẹksọdọs 15:6 - Edo Bible (E Baibol Ẹdo) Version 1996

⁶ E Nọyaẹnmwa, ọyunnuan ọre ẹtin obọ erha ọmwa ruẹn khin, ọ guọghọ avbe eghian rẹnkhẹnrẹnkhẹn.

Ẹksọdọs 15:6 ပူးပေါင်းရင်းမြစ်များ

Psalm 17:7

Rhie ahoẹmwọmwa ọyunnuan ruẹn maa, ne u miẹn ima fan. Me gha rre ehe ne u ye, mẹ fe vbe obọ avbe eghian mwẹ.

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Psalm 24:8

De ọmwa ne ọ re ọba nọkhua na? Rẹn nọ ighẹ e Nọyaẹnmwa ne ọ wegbe kevbe ne ọ mwẹ ẹtin. E Nọyaẹnmwa ne ọ khọnmiotọ vbe okuo.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Psalm 44:4

Wẹ ọrọre ọba mwẹ kevbe Osanobua mwẹ wẹ ọ re ọ rhie akhọnmiotọ ne emwa ruẹn.

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Psalm 74:11

Vbọzẹ ne u na he ne u yi ima obọ yi? Vbua ghi na viọ obọ ghe odieke hẹ yi?

Psalm 77:10

Vbe iyeke ọnii I keghi kha wẹẹ, “Ne ọ ghi balọ mwẹ sẹ vbọ ọ re ọna khin wẹẹ, ‘Osanobua i ghi mwẹ ẹtin ọvbehe.’ ”

Psalm 89:14

Ẹmwata kevbe uhunmwu ẹmwẹ, ọ re a gbe ẹyotọ arriọba ruẹ yan, aho ẹmwẹ ọmwa kevbe aguobọmwa, rhie egbe ma vbe emwi ne u ru hia.

Psalm 98:1

Wa so ihuan ọgbọn ghe Nọyaẹnmwa, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre ne ọ huanrẹn, miẹn akhọnmiotọ nẹ.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 15:12

U niẹn oberhọmwa ruẹn ladian, otọ keghi minọ avbe eghian re.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Ẹksọdọs 18:8

E Mosis keghi na iyẹn emwi ne Nọyaẹnmwa rhunmwuda ivbi Izrẹl ru ọba Igipt kevbe ivbi Igipt re ma e Jẹtro. Ọ na iyẹn ọlọghọmwa ne iran he miẹn vbe odẹ kevbe vbene Nọyaẹnmwa miẹn iran fan hẹẹ.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Aizaia 30:14

Wa gha rẹnkhẹn uan vbe akhe obuẹ, wa gha rẹnkhẹn uan sẹrriọ wẹ ai miẹn ne a gha ya gha wan erhẹn vbọ ra ne a gha ya gha balọ amẹ vbe uhae vbọ.”

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”