Ẹksọdọs 15:27 - Edo Bible (E Baibol Ẹdo) Version 1996

²⁷ Iran keghi do sẹ Ẹlim, ehe ne ẹzẹ iweva kevbe udin ekigbesiyenẹ ye. Iran keghi bu agọ ye ọkpẹn ẹzẹ vbe evba.

Ẹksọdọs 15:27 ပူးပေါင်းရင်းမြစ်များ

Psalm 23:2

Ọ mu mwẹ lovbiẹ vbe oha ne ọ furre, ọ rhie mwẹ gha rriẹ ẹzẹ ne ọ furre khuẹrhẹ.

Ẹksọdọs 16:1

Ivbi Izrẹl hia keghi kpao vbe Ẹlim, ọ ghi rre ikpẹdẹ ekesugie vbe uki ne ogieva ne iran kpao vbe Igipt rre, iran keghi sẹ ato ọghe Sin, ne ọ rre ẹkpo Ẹlim kevbe Sainai.

Aizaia 12:3

Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

Ezikiẹl 47:12

Erhan ughughan gha zọ vbe obọ eva vbe ọkpẹn ẹzẹ nii ne iran gha rhie evbare ne a re rre. Ebe iran i ra kaka ẹdẹ, a i vbe miẹn wẹ iran dobọ umọmwẹ yi. Uki uki ọre iran gha ya gha mọ ọmọ ọgbọn, rhunmwuda, ẹzẹ ne ọ ke uwu Ọgua Osa lẹ rre, ọ re ọ rhie amẹ ne iran. Ọmọ ne iran mọẹn, a ghi gha rri ọe, ebe ni rrọ ghi gha re ukhunmwu ne a ya sinmwi emwa.”

Nọmbas 33:9

Iran ghi kpao vba, iran kegha rrie Ẹlim; iran na vbe gbe agọ ye evba rhunmwuda; ẹzẹ iweva kevbe udin ekigbe siyenẹ kegha rre evba.

Arhie Maan 22:2

Ọ keghi lẹ la adesẹneva ukpo ọghe ẹvbo ni. Vbe obọ eva ọghe ẹzẹ nii, erhan ẹfe keghi rrọọ, igba iweva ọre ọ mọ vbe ukpo, uhukpukpa vbe uki, ebe ẹre keghi re ne a ya mu agbọn ẹvbo egbe rran.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”