Ẹksọdọs 15:24 - Edo Bible (E Baibol Ẹdo) Version 1996

²⁴ Emwa nii keghi suẹn gha gui ẹzọ ma e Mosis wẹẹ, “De emwi ne ima ra wọn yi?”

Ẹksọdọs 15:24 ပူးပေါင်းရင်းမြစ်များ

Psalm 106:13

Sokpan, banbanna, iran vbe mianmian iwinna ne ọ winna ẹn nẹ, iran na gha ru emwi, vbe ne ai na dia khẹ vbene ọ kha hẹ.

Ẹksọdọs 14:11

Iran keghi tama e Mosis wẹẹ, “Te idin i ghi rre Igipt ra ne u na viọ ima gha de uwu oha ne ima do wulo kua. U ma miẹn emwi ne u ru nian ne u na viọ ima ke Igipt ladian.

Ẹksọdọs 16:2

Ehia keghi gha gui ẹzọ e Mosis kevbe Errọn vbe uwu ato.

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Nọmbas 16:11

Wa gha gui ẹzọ uwu unu ghe Errọn, vbe ẹmwata, e Nọyaẹnmwa ọre uwẹ vbe irogho ruẹ sọtẹ ọre.”

Nọmbas 16:41

Ẹdẹ ne ọ lelẹe, emwa ni hia keghi suẹn gha gui ẹzọ uwu unu ghe Mosis kevbe Errọn wẹẹ, “Wa gbele eso ua vbe uwu emwa e Nọyaẹnmwa.”

Nọmbas 17:10

E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.”

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

Matiu 6:25

“Ọ na ọ zẹẹ ne I na khama uwa wẹẹ, ne uwa ghẹ hagha ba ẹmwẹ emwi ne uwa gha re ra ne uwa gha da ya da orhiọn yi, ra ba ẹmwẹ ukpọn ẹkun. Tama mwẹ, orhiọn ma sẹ evbare? Egbe ma sẹ ukpọn?

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

Filipai 2:14

Gha ru emwi hia vbe ne a i na vian kevbe ne a i na muan ẹmwẹ.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.