Ẹksọdọs 15:20 - Edo Bible (E Baibol Ẹdo) Version 1996

²⁰ E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Ẹksọdọs 15:20 ပူးပေါင်းရင်းမြစ်များ

Gẹnẹsis 31:27

Vbua na rẹrẹ mwẹ hẹẹ, ne u na vin fua vbe ne a ma na tama mwẹ? Akpawẹ te u tama mwẹ, te I gha ya oghọghọ vbe ihuan suẹ sẹ odẹ ba ukusẹ kevbe akpata.

II Samuẹl 1:20

Wa ghẹ ta ẹe sẹ Gat, ra idunmwu Askẹlọn. Wa ghẹ gie ikhuo e Filistia ya gha ghọghọ, wa ghẹ gie emọ ikhuo enimayayi ya gha gbe wee.

II Samuẹl 6:14

Ukpọn eto ovbiohuẹ ọkpa ọ re Devid rra mu ẹkun, ọ kegha ya ẹtin ẹnrẹn hia kuu ne ọ ya ya ọghọ ne Nọyaẹnmwa.

II Samuẹl 6:16

A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

II Samuẹl 6:5

E Devid kevbe ivbi Izrẹl hia keghi wa gha ya ẹtin iran hia ku iran na gha so ihuan ne iran ya rho e Nọyaẹnmwa. Iran kegha kpe akpata, ẹgiọn, e ma, ẹgogo kevbe ukusẹ.

II Ọba 22:14

Ẹre Hilkaia, Ahikam, Akbọ, Siafan kevbe Asaia na ya gualọ otọ ẹmwẹ na vbe obọ okhuo ọkpa ne a tie ẹre Hulda, akhasẹ nọ, ọ kegha rre vbe a la Jerusalẹm fo. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gha gbearoghe ehe ne a viọ ukpọn ne a ya mu egbe vbe Ọgua Osa yi.) Iran keghi na iyẹn emwi ne ọ sunu ma rẹn.

I Krọnikol 15:16

E Devid keghi tama olotu avbe Livai wẹ ne ọ zẹlẹ avbe Livai ne iran gha so ihuan kevbe ne iran vbe gha kpe akpata kevbe ukusẹ ọghe oghọghọ.

I Krọnikol 6:3

Amram kegha mwẹ emọ ikpia eva, ena ọ re Errọn kevbe Mosis, kevbe ọmọ okhuo ọkpa ne a tie ẹre Miriam. Errọn kegha mwẹ emọ ikpia enẹ, ena ọre Nadab, Abihu, Eliaza kevbe Itama.

Nehimaia 6:14

I keghi na erhunmwu wẹẹ, “Osanobua, ghe emwi ne Tobaia kevbe Sanbọlat ru, ne u rri iran oya. Vbe ye okhuo ni rre ighẹ Nodaia kevbe avbe akhasẹ nekpa, emwa ni te gha ho ne iran ha mwẹ.”

Psalm 149:3

Wa ya iku rho eni ẹnrẹn, wa kpe ema kevbe akpata ya gha rho ẹre.

Psalm 150:4

Wa ye ema kevbe iku rho ẹre, wa ye akpata kevbe okpe rho ẹre.

Psalm 30:11

U ya eve mwẹ khian iku ọyẹnmwẹ nẹ. U mu akhiẹ hin mwẹ egbe rre u kevbe viọ oghọghọ lẹga mwẹ.

Psalm 68:11

E Nọyaẹnmwa gie uhunmwu, emwa nibun ọ re ọ vbe na iyẹn nii.

Psalm 68:25

Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Psalm 68:26

“Wa rho Osanobua vbe ehe ne avbe emwa rẹn ni do iko ye wa rho e Nọyaẹnmwa wa ne ivbi uniẹn ẹ Jekọb hia!”

Psalm 81:2

Wa sobọ ye emwi ihuan, ne uwa kpe avbe ema nii, wa ye akpata kevbe ẹrere so ihuan ne ọ rhiẹnrhiẹn.

Ẹksọdọs 2:4

Ọtiọnrẹn ne okhuo keghi ya mudia ye urria ne ọ miẹn ehe na miẹn emwi ne ọ gha sunu vbe egbe ẹre.

Asan-Ibo 3:4

ọ rhie ẹghẹ yọ ne a ya ru akhiẹ, ọ rhie ẹghẹ yọ ne a ya ku,

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Nọmbas 12:1

E Mosis keghi rhie ovbi ẹvbo Kusi ọkpa rọnmwẹ, ọ re Miriam kevbe Errọn na gbe odan yọ.

Nọmbas 12:2

Iran keghi kha wẹẹ, “E Mosis ọkpa ọ re Nọyaẹnmwa gie ẹre uhunmwu rre ra? Ẹ i vbe gie ima uhunmwu rre?” E Nọyaẹnmwa keghi họn ẹmwẹ ne iran tae

Nọmbas 20:1

Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre.

Nọmbas 26:59

Ne ọ rhie Jokebẹd ne ovbi e Livai ne okhuo ne a biẹe vbe Igipt rọnmwẹ. Ọ keghi biẹlẹ emọ ikpia eva, Errọn kevbe Mosis, kevbe ọmọ okhuo ọkpa, e Miriam.

Iyẹn ne ọ Maan Ọghe Luk 2:36

Akhasẹ nokhuo ọkpa keghi vbe rrọọ, Anna ne ovbi e Fanuẹl ne uniẹn Asia. Edede ghi nọ, ọ keghi ye ukpo ihinrọn vbe owa ọdọ.

Iwinna 21:9

Rẹn keghi mwẹ ivbi ẹre ne uvbi enẹ ni kpe orhu ẹmwẹ Osanobua.

I Kọrinti 11:5

Erriọ vbe nọ, okhuo ne ọ na erhunmwu ra te ọ kpe orhu Osanobua vbe uwu ẹbu ugamwẹ, vbe ne ọ ma na rhie emwi gue uhunmwu ẹnrẹn, te ọ fa ọdọ ẹre ua, alughaẹn izẹdẹ rrọọ ne irẹn kevbe okhuo ne a khiokhio ẹre eto.

I Kọrinti 14:34

Ọ kere ne ikhuo hunwan vbe uwu ugamwẹ vbe esọsi. A ma kue ne iran gha guan, zẹ vbe ne Uhi avbe Ju kha re, ọ ma kei ne a muẹn ye iran obọ.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.

Giọgis 21:21

Ibiẹka ikhuo ni rre Siailo gha ghi ladian do ku vbe ẹghẹ emwiukpo nii, wa ghi ke uwu ogba azara ladian. Dọmwadẹ ọghọe vbe uwu uwa ghi ye ẹtin rhie okhuo vbe uwu avbe ibiẹka ikhuo nii, ne uwa viọ iran gha rrie otọe e Bẹnjamin.

Giọgis 4:4

E Dẹbora ne amwẹ Lapidot kegha re akhasẹ. Rẹn ọ gha bu ohiẹn ne ivbi Izrẹl vbe ẹghẹ nii.

I Samuẹl 10:5

U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.

I Samuẹl 18:6

Avbe ivbiyokuo ghi die owa vbe e Devid ghi ke ehe ne ọ na gbe Golaiat rre nẹ, ikhuo keghi wa ke okpẹvbo hia ni rre Izrẹl ladian bu e Sọl sẹ odẹ. Iran na gha so ihuan oghọghọ, iran na gha kpe ukusẹ kevbe ẹgogo.