Ẹksọdọs 15:17 - Edo Bible (E Baibol Ẹdo) Version 1996

¹⁷ U viọ iran rre, u keghi gbe iran ẹkun sẹ otọ ye uhunmwu oke. vbe ehe ne u zẹe ya ru owa ruẹ Nọyaẹnmwa. ọgua Osa ne u tobọ ruẹ bọ Nọyaẹnmwa.

Ẹksọdọs 15:17 ပူးပေါင်းရင်းမြစ်များ

II Samuẹl 7:10

I gha hannọ ihe ọkpa ne Izrẹl ne emwa mwẹ, I ghi gbe iran ẹkun sotọ vbe evba, ehe ne iran gha ye, ne a i ghi ra na kpokpo iran ọvbehe. Ke ne iran ya sẹ otọ na gha dee, emwa dan ne piankhanrhan ni bun ọ re ọ he gu iran gbinna, sokpan, ọna i ghi ra dọlegbe sunu ọvbehe. I yan rẹn i ghẹ I gha degue ruẹ hin obọ eghian uwa hia rre, kevbe wẹ, u gha mwẹ uniẹn ruẹn.

I Ọba 8:13

Banbanna nian, I bọ Ọgua Osa ẹrẹkhẹrẹ ne uẹn nẹ ehe ne u gha sẹtin gha ye ẹdẹdẹmwẹdẹ.”

Psalm 114:2

E Juda keghi khian emwa ni huanrẹn ọghe Nọyaẹnmwa, Izrẹl keghi khian emwi obọ ẹre.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 68:16

Vbọzẹ ne u na ye otilua ke odukhunmwu oke ruẹ, gha ghe oke nii ne Osanobua zẹe wẹ rẹn gha dia yi? E Nọyaẹnmwa gha di evba ya rhinrin ẹdẹ.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Psalm 80:15

Do miẹn azara na ne uwẹ gbọre fan, ovbi azara na ne uwẹ gie ẹe wa wan, kevbe ne ọ wegbe sẹ vberriọ.

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Ẹksọdọs 15:13

Wẹ nọ mu eyan ruẹn sẹ, u keghi su avbe emwa ne u dẹ werriegbe, ẹtin ruẹn ọre u ya ma iran odẹ, gha rrie owa ruẹ ne ọ huanrẹn.

Ẹksọdọs 23:20

I gha gie odibosa ke odaro ne uwa ne ọ gha degue uwa vbe odẹ kevbe ne ọ viọ uwa sẹ ehe ne I dọlọyi ye otọ.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Jerimaia 2:21

I kọ uwa zẹ vbe azara ne a ya họn ọghe ọmọ erhan ne ọ maa sẹẹ ehia. Sokpan, ghe emwi ne uwa ghi do khian te uwa ghi yevbe azara ne ọ kẹkẹe, ọ na vbe rhiara.

Jerimaia 31:23

E Nọyaẹnmwa ne Oghodua, ne Osanobua Izrẹl khare wẹẹ, “I gha dọlegbe viọ avbe emwa nii gha die otọ iran, iran gha ye do tae vbe otọ nii wẹẹ, “ ‘Te Nọyaẹnmwa gha fiangbe oke nọhuanrẹn ọghe Jerusalẹm ehe nọhuanrẹn ne irẹn dia.’

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Ezikiẹl 37:28

I gha ghi mu Ọgua Osa mwẹ ye uwu ẹbu iran nẹ, ne ọ gha rre evba ẹdẹdẹmwẹdẹ, ẹghẹ nii avbe uhunmwu ẹvbo gha rẹn wẹ mẹ ne Nọyaẹnmwa, hannọ Izrẹl zẹ nẹ ne iran gha re emwa mwẹ.”

Diuteronomi 33:19

Iran tie okpẹvbo ni bun gha die oke iran, iran keghi zọ ese ne ọ kere vbe evba, rhunmwuda okun iran ke viọ ẹfe iran rre, kevbe ke ekhae ni rre ọkpẹn okun rre.”

Jọsua 22:19

Rhunmwuda onii nian, a deghẹ otọe uwa ma kei ne a na ga ẹe, wa gberra gha die otọ e Nọyaẹnmwa, ehe ne owa ukpọn ne a dia ọghọe ye. Wa do mu otọ eso vbe ehe ne ima ye. Sokpan, wa ghẹ sọtẹ e Nọyaẹnmwa, ra ima, vbene uwa gha na bọ aka ọghe obọ uwa do deba aka ọghe Nọyaẹnmwa Osanobua mwa.