Ẹksọdọs 15:14 - Edo Bible (E Baibol Ẹdo) Version 1996

¹⁴ Avbe okpẹvbo họn ẹn, iran keghi guọ zẹzẹzẹ ne ohan; ohan keghi mu avbe emwa Filistia.

Ẹksọdọs 15:14 ပူးပေါင်းရင်းမြစ်များ

I Krọnikol 14:17

Ẹmwẹ e Devid keghi titi gba ehe hia, e Nọyaẹnmwa keghi gie ohan rẹn gha mu agbọn ẹvbo hia.

Psalm 48:6

Evba ọ re oguozizi kevbe irriakọn na dobọ mu iran ẹkun. Zẹvbe okhuo ne emwi ubiẹmwẹ ru.

Psalm 48:7

Zẹvbe okọ ne ogbigbi ẹhoho bi yo bi rre vbe uhunmwu ẹzẹ.

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 14:31

Wa gha go, ne uwa vbe gha tu nọ iyobọ, wa ne avbe okpẹvbo e Filistin hia. Wa runran, wa hia fẹẹrẹ. Amẹ ne ọ bii ne ọ re ebubẹ, ke odẹ okuọ dee, ivbiyokuo ne avbiẹrẹ okpa i rre otu ẹre.

Aizaia 23:5

Uhin ighe te ọ ra yan ivbi Igipt ne arẹngbe unu an, orrirri ghi gbe ku iran vbe iran gha họn wẹ a dunmwu e Taia a.

Ezikiẹl 32:9

“Egbe gha wa wọ agbọn ẹvbo nibun ye otọ vbe I gha na iyẹn vbe ne a fuẹn ruẹn uan hẹ vbe ẹvbo ne uwẹ ma he ka họn ẹmwẹ ọnrẹn ẹdẹ.

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Habakọk 3:7

I miẹn vbe ohan mu ivbi e Kusian avbe ivbi e Midian gha guọ.

Nọmbas 14:14

Iran ghi do tama emwa ni rre ẹvbo na. Emwa na ka họn nẹ wẹ, wẹ ne Nọyaẹnmwa rrọọ yaba mwa, wẹ, te u wa ya egbe ne a miẹn vbe okuku ruẹ a de mudia vbe odukhunmwu ehe ne ima ye, kevbe wẹ avan gha rre, u ghi ke odaro ne ima vbe uwu orre okuku amẹ kevbe asọn, vbe uwu orre erhẹn.

Nọmbas 22:5

na gie emwa ni iran ya tie Balam ne ovbi Beọ, ne ọ rre Petọ vbe ọkpẹn Ẹzẹ Yufretes vbe otọ Amọn rre. Iran keghi tama rẹn wẹẹ: “I ho ni guẹ rẹn wẹẹ agbọn ẹvbo hoho wa ke Igipt gha die emwa na, iran vẹ la ehe hia iran ra gbe ima miẹn ima otọ mwa.

Diuteronomi 2:25

Ẹre na, I gha suẹn gha ya ohan uwa mu emwa vbe ehehia. A gha so eni uwa, emwa hia ghi gha guọ zẹzẹzẹ ba ẹmwẹ ohan.’

Jọsua 10:2

Ohan keghi kakabọ mu emwa Jerusalẹm rhunmwuda, e Gibiọn kpọlọ vbe avbe ẹvbo nii ni ghi mwẹ ọha hia fẹẹrẹ, ọ vbe kpọlọ sẹẹ Eai, emwa ni vbe rrọọ, ivbiyokuo ni din ọ re iran khin.

Jọsua 2:11

Ọwarọkpa vbe ima họn ẹn, ohan kegha mu ima, egbe na wọ edọmwadẹ ọghọe. Osanobua uwa, e Nọyaẹnmwa ọrọre Osanobua vbe ẹrinmwi kevbe agbọn.

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.

Jọsua 9:9

Iran keghi ta okha egbe iran ma rẹn wẹẹ, “Evbavba, ehe ne ima kerre wa rrei ẹsẹse rhunmwuda ma họn ẹmwẹ e Nọyaẹnmwa Osanobua ruẹ. Ma họn otiti emwi ne ọ ru vbe Igipt.

I Samuẹl 4:7

Ohan keghi mu iran, iran keghi kha wẹẹ, “Ẹbọ la agọ iran: Ma wiri! Emwi vbenian ma he sunu vbe egbe ima ẹdẹ!

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato: