Ẹksọdọs 15:11 - Edo Bible (E Baibol Ẹdo) Version 1996

¹¹ “E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 15:11 ပူးပေါင်းရင်းမြစ်များ

II Samuẹl 7:22

A miẹn vbe u kpọlọ hẹ Nọyaẹnmwa ne Udazi! Ọvbehe ne ọ yevbe ruẹ, ẹ i rrọọ, ma wa rẹn ke otọ gha dee ighẹ wẹ ọkpa ọrọre Osanobua.

I Ọba 8:23

Ọ na na erhunmwu wẹẹ, “E Nọyaẹnmwa, Osanobua Izrẹl, ọba ọkpa ne ọ yevbe ruẹ i rrọ vbe odukhunmwu vbe ẹrinmwi ra agbọn vbe ototọ! Te u ru vbene ile ne u ta ẹe khare, u ghi vbe gha mwẹ itohan ne ẹ i fiwerriẹ ghe emwa ruẹn ni ye ekhọe hia mu ẹmwẹ ruẹn sẹ.

I Krọnikol 16:25

E Nọyaẹnmwa kpolo, ne a kakabọ rho nọ te a ra gha rhie uyi ne ẹẹn sẹ avbe ẹbọ hia.

II Krọnikol 2:5

Iro ekhọe mwẹ nọ ne I bọ Ọgua Osa ne ọ kpọlọ rhunmwuda Osanobua mwa kpọlọ sẹẹ ẹbọ hia.

II Krọnikol 6:14

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ẹbọ ne ọ ye vbe ruẹ ẹ i rrọ vbe ẹrinmwi ra vbe agbọn. U mu Ile ne u gu emwa ruẹn ta sẹ, u keghi ho ẹmwẹ iran vbe iran a ye ekhọe iran hia gha họn ẹmwẹ ne uẹn.

Psalm 113:5

ọmwa ọkpa ne ọ yevbe Nọyaẹnmwa Osanobua mwa i rrọ. Ehe ne ọ yo vbe odukhunmwu ọ re ọ ye,

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Psalm 136:4

Rẹn okpa ọre ọ winna iwinna ọyunnuan nekhua, etẹbitẹ ọ re ahoẹmwọmwa rẹn khin.

Psalm 145:17

Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Psalm 22:23

“Wa ne eguọmwadia e Nọyaẹnmwa, wa rho ẹre wa ya ọghọ ne ẹẹn, wa ne ivbi uniẹn Jekọb. Wa vbe ga ẹe, wa ne ivbi Izrẹl.

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 60:2

U mu otọe nii rueghe, u keghi vbe fian uvun gbodo yọ. Banbanna nian kpe ẹwẹn ọnrẹn rriẹ rhunmwuda te ọ ghi ra zagha a.

Psalm 66:5

Wa do ghe iwinna ne Osanobua winna ẹn, iwinna ọyunnuan rẹn vbe uwu ẹbu emwa.

Psalm 77:11

Te I gha ye iwinna nekhua ne u winna ẹn rre Nọyaẹnmwa I gha ye avbe iwinna ọyunnuan ne u winnaẹn ẹkpo nẹdẹ rre.

Psalm 77:14

Wẹ ọrọre Osanobua ne ọ winna iwinna ọyunnuan u rhie ẹtin ruẹn maa vbe uwu ẹbu agbọn ẹvbo.

Psalm 77:19

Wẹ ya owẹ khian la uhuemwẹ amẹ; u fian okun ne ọ dinmwi rra; sokpan a ma miẹn ama owẹ ruẹ vbe otọ.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Psalm 89:18

Nọyaẹnmwa, wẹ ọ re ọ zẹ ọmwa ne ọ degue mwa, wẹ, Ọmwa Ne ọ huanrẹn Izrẹl, ọ re ọ rhie ọba mwa ne ima.

Psalm 90:11

De ọmwa ne ọ he ya egbe miẹn ohu ruẹ vbe uwu ẹtin ẹnrẹn hia? De ọmwa ne ọ rẹn ohan ne ohu ruẹ nọkhua sẹtin si rre?

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Ẹksọdọs 20:3

“Ohan i gie uwẹ mwẹ osa ọvbehe ba imẹ.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 8:6

Ẹre Errọn na niẹn ọkpọ ẹre da ehe ne amẹ ghi ye hia, ẹkirẹ keghi vẹ rre, iran na gba otọe nii.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 30:11

Biegbe vbe odẹ ne u ghẹ degue ima odẹ. Ma i ho ne ima ghi họn vbekpa ọghe Osanobua nọhuanrẹn Izrẹl ruẹ na.”

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:25

De ọmwa ne a gha sẹtin ya gie Osanobua nọhuanrẹn? Ọmwa ọvbehe rrọ ne ọ yevbe irẹn ra?

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Levitikọs 19:2

ne ọ tama ivbi Izrẹl wẹẹ, “Wa gha re ni huanrẹn rhunmwuda ọmwa ne ọ huanrẹn mẹ khin. Mẹ ọ re Nọyaẹnmwa Osanobua uwa.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Diuteronomi 3:24

‘E Nọyaẹnmwa ne Udazi, I rẹnrẹn wẹ omuhẹn emwi ọ yan unu uan nekhua ne u ra ru ọkpa ọ re u rhie maa mwẹ. Ẹbọ ọkpa i rre ẹrinmwi kevbe agbọn ne ọ gha sẹtin ru avbe emwi nekhua ne uwẹ ru!

Diuteronomi 33:26

“Wa ne ivbi Izrẹl, ẹbọ ne ọ yevbe Osanobua uwa i rrọọ, ne ọ ye ose nọkhua hin fian iso rra, ọ na hin la okuku amẹ do ye uwa obọ.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Arhie Maan 13:4

Emwa hia kegha kpe ga Ugbogiorinmwi nii rhunmwuda ọ rhie asẹ ọre ne aranmwẹ oha nii nẹ. Iran keghi ye uhunmwu rhanmwẹ otọ ne aranmwẹ oha ni kha wẹẹ, “De ọmwa ne ọ ye vbe aranmwẹ oha nii? De ọmwa ne ọ gha sẹtin guẹe gbinna?”

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”

I Samuẹl 2:2

“Ọmwa ne ọ huanrẹn vbe Nọyaẹnmwa i rrọọ, ọmwa ne ọ yevbe ọre irrọọ, ugue ne ọ ye vbe Osanobua mwa i rrọọ.