Ẹksọdọs 15:10 - Edo Bible (E Baibol Ẹdo) Version 1996

¹⁰ Sokpan, ẹhoho uhiọnrọnmwẹ okpa ke ehe ne u ye rre, okun keghi gue ivbi Igipt muotọ. Iran na dinmwi zẹ vbe oze, gha rrie ototọ amẹ ne ọ gbe orrirri nii.

Ẹksọdọs 15:10 ပူးပေါင်းရင်းမြစ်များ

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

II Samuẹl 18:8

Okuo ni na tughu gba oha nii hia, emwa ni wulo ye uwu ẹgbo keghi bun sẹ ne okuo gbele.

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Psalm 135:7

Ọ mu okpẹhoho okuku amẹ ke ehe ne agbọn sẹe gha dee, ọ ru ayan ne okpẹhoho, ọ kevbe kie okpẹhoho ke uwu aza ẹre ladian.

Psalm 147:18

Ọ guanrẹn, avbe esia nii keghi ranran; ọ gie ẹhoho rre, avbe amẹ keghi gha lẹ.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ẹksọdọs 15:5

Okun nọ dinmwi ro gue iran, iran keghi dinmwi gha rrie otọ zẹ vbe okuta.

Itan 30:4

De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Jerimaia 10:13

Amẹ ne ọ rre odukhunmwu iso ghi davan vbe irẹn a wẹ ne ọ ru vberriọ, ọ ghi ke ehe ne agbọn sẹe viọ okuku rre. Ọ ru ẹe ne ayan gha yan vbe amẹ rhọ ọ ghi giee ẹhoho ladian ke ehe ne ọ viọ ẹre lẹre yi gha dee.

Jerimaia 46:17

“Wa he ọba Igipt eni ọgbọn, ‘Nọfianyanegbe ne olunu ne ọ hoho au.’

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Matiu 8:27

Unu keghi yan emwa hia, iran wẹẹ, “De ama ọmwa ne ọna khin, ne ẹhoho kevbe amẹ họn ẹmwẹ ọnrẹn na?”

Diuteronomi 11:4

Wa miẹn vbene Nọyaẹnmwa wa rẹnkhẹn ivbi iyokuo Igipt ruan fẹẹrẹ hẹ, ke ẹe kevbe ẹsin kevbe ikẹkẹ okuo iran, ne ọna ruẹn ehia amẹ vbe Okun Iranmwiran vbe iran khu uwa khian.