Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹksọdọs 14:4 - Edo Bible (E Baibol Ẹdo) Version 1996

4 Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

အခန်းကိုကြည့်ပါ။ ကော်ပီ




Ẹksọdọs 14:4
36 ပူးပေါင်းရင်းမြစ်များ  

U winna ọyunnuan ne ọkpaodin yan ọba, iran ni rre asẹ kevbe emwa otọe ni. Rhunmwuda, u rẹn vbene iran zẹ emwa ruẹn kpokpo hẹ, u keghi gbe miẹn ọghọ; ne ọ ye lele uẹ khian ẹrẹna.


Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”


E Nọyaẹnmwa kevbe ya ọba yin ehọ, ọ ma vbe gie iran kpao.


Ivbi Izrẹl kegha khian ya ru zẹ vbene a khare. Iran keghi ru zẹ vbene Nọyaẹnmwa tama e Mosis kevbe Errọn.


Ivbi Igipt keghi zẹ iran khu, iran na lele iran la uwu okun kevbe iran kevbe avbe ẹsin hia, ikẹkẹ okuo kevbe iran nii gua ẹe.


Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”


Ọba Igipt gha vbe ro wẹẹ, ‘Ivbi Izrẹl gha lẹga vbe uwu oha, ato degbe iran odẹ.’


Ugbẹn vbe a ghi khama ọba Igipt wẹ emwa nii lẹ kua, ke irẹn kevbe avbe ekhaẹmwẹ ọnrẹn keghi fi ekhọe werriẹ vbe ekpa iran, iran keghi kha wẹẹ, “Vbe ọna khun emwi ne ima ru na yi? Ma gie ivbi Izrẹl lẹ kua hin ehe ọviẹn ne iran ye ne ima rre!”


E Nọyaẹnmwa keghi ya ọba Igipt ze vbe udu, ọ na zẹ ivbi Izrẹl khu, emwa nii kpao vbe uwu akhọnmiotọ.


Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”


I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.


Enian ọre Nọyaẹnmwa khare nian, ‘Emwi ne I ra ru na gha rhie ma ruẹn wẹ mẹ ọrọre Nọyaẹnmwa. Ghe ẹre, I ra ya ọkpọ na fi ẹzẹ emwi, ọ ghi khian esagiẹn.


Sokpan, I gha ru ẹe ne ọba ze vbe udu, uhin vbe I gha ye winna iwinna ọyunnuan kevbe ọghe ama nibun nẹ vbe Igipt.


Ivbi Igipt gha rẹn wẹ mẹ ọrọre Nọyaẹnmwa vbe ẹghẹ ne I gha na kpa obọ mwẹ fi iran emwi, I ghi vbe viọ ivbi Izrẹl hin otọ iran rre.”


Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.


Sokpan, I ma ru vberriọ rhunmwuda, ọnii gha mu ozan gie eni mwẹ, rhunmwuda, sirra avbe emwa ne iran gba yin kugbe ọre I na tae ma Izrẹl wẹ, I gha viọ iran ke Igipt ladian.


Tama iran ni rre evba ẹmwẹ ne imẹ ne Nọyaẹnmwa ne Oghodua tae vbe ekpa iran. Oghian uwa ọ re I khin Saidọn, emwa gha rho mwẹ ye emwi ne I ru uwa re. Iran gha rẹn wẹ mẹ ọrọre Nọyaẹnmwa vbe I a ghi rri emwa ni rre uwu uwẹ oya nẹ ne I ya rhiema vbene I huan hẹ.


I gha ya Igipt khian otọe ne ọ gbe ẹvbi nẹ, I na vbe fuẹn avbe emwa ni rre evba hia, iran gha rẹn ighe mẹ ọrọre Nọyaẹnmwa.


U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.


Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”


Emwa ni rre otọe nii hia gha ru iyobọ vbe uwu ẹghẹ ne a ya re iran. A gha vbe rhunmwuda ọnii ya ọghọ ne iran vbe ẹdẹ ne I ra khọnmiotọ na. Mẹ ne Nọyaẹnmwa ne Udazi ọ re ọ ta ẹe.


Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.


Zẹ vbene ebe tae, “Osanobua keghi gbin iran orhiọn kevbe ekhọe ẹwaẹn, do sẹ ẹdẹnẹrẹ na, iran i sẹtin ye aro iran dẹghe odẹ, iran i sẹtin he ehọ iran họn ẹmwẹ.”


Rhunmwuda ebe tama Fero wẹẹ, “Emwi ọre ọ zẹẹ ne I na ya a ma ọba, ne I miẹn ehe na la egbe ruẹ rhie ẹtin mwẹ ma an, kevbe ne I miẹn ehe na ya eni mwẹ khian ne a rẹnrẹn vbe uhunmwu otọ agbọn hia.”


Ọnii rhie maa khekherriọ wẹẹ, ọmwa ne ọ khọn Osanobua ọre ọ tohan rẹn, ọ ghi vbe ya ne ọ khọn rẹn ze vbe ẹkoko udu.


E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.


I gha si e Siseria ne ọkaokuo ne ọ gbearoghe ivbi iyokuo Jabin gha dee ne ọ do gu uẹ gbinna vbe Ẹzẹ Kisiọn. Ọ gha viọ ikẹkẹ okuo ẹre kevbe ivbi iyokuo mwẹ obọ, sokpan, I gha ru ẹe ne obọ ruẹ ke odukhunmwu ne ẹẹn.’ ”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ