Ẹksọdọs 14:31 - Edo Bible (E Baibol Ẹdo) Version 1996

³¹ Ivbi Izrẹl ghi miẹn obọ ẹtin nọkhua ne Nọyaẹnmwa ya mu ivbi Igipt, iran kegha mu ohẹn e Nọyaẹnmwa, iran na mu ẹtin yan e Nọyaẹnmwa, rẹn kevbe Mosis ne ọguọmwadia ẹre.

Ẹksọdọs 14:31 ပူးပေါင်းရင်းမြစ်များ

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Nehimaia 9:9

“U miẹn oya ne avbe erhamwa odede re vbe Igipt. U keghi họn vbe iran tu nọ iyobọ ọkpẹn Okun Iranmwiran.

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Ẹksọdọs 19:9

E Nọyaẹnmwa keghi tama e Mosis wẹẹ, “I gha la uwu okuku ne ọ mwẹ imi bu ruẹ rre, ne emwa nii miẹn ehe na họn vbe I guẹ guan ne iran gha rhie ẹmwẹ ruẹn kevbe ẹghẹ na kpao.”

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Iyẹn ne ọ Maan Ọghe Luk 8:13

Emwiokọ ni dele ye otọ okuta mudia ye ihe iran ni họn ẹmwẹ nii, iran na ye oghọghọ miẹn rẹn, sokpan ọ ma mu iran ekhọe, iran keghi yayi vbe ẹghẹ kherhe, sokpan edanmwẹ ghi rre, ehia keghi dele.

Iyẹn ne ọ Maan Ọghe Jọn 11:45

Ugbẹn vbe ni bun vbe uwu avbe Ju ni do tuẹ Meri ghi miẹn emwi ne Jesu ru, iran keghi ya ẹe yi.

Iyẹn ne ọ Maan Ọghe Jọn 2:11

Jesu keghi winna iwinna ọyunnuan ne okaro na vbe uwu avbe iwinna ọyunnuan nekhua hia ne ọ winnaẹn, vbe Kana ne Galili, rẹn keghi rhie uyi ẹre maa vbe evba, avbe erhuanegbe ẹre keghi yae yi.

Iwinna 8:13

Saimọn tobọ ẹre keghi vbe yayi, a ghi sa amẹ nẹẹn nẹ, ọ keghi wa ya egbe ba e Filip, unu keghi yaẹn ẹsẹse vbe ọ miẹn iwinna ama kevbe ọyunnuan ne Filip gha winna.

Hibru 3:5

Mosis kegha re ọmwa ne ọ gia mu ẹtin yan vbe igiowa Osanobua hia. Ọguọmwadia rẹn gha khin, ọ kegha ta ẹmwẹ emwi ne Osanobua ra do ta vbe ẹghẹ ne ọ dee.

Jọsua 24:7

Iran ghi ye ekhọe hia na erhunmwu ghe mwẹ, I keghi mu ebiebi ye ẹkpo iran kevbe ivbi Igipt. I keghi gie okun lẹ yan ivbi Igipt, ọ na rhu iran ginna otọe. Wa miẹn emwi ne I ru Igipt re, “Wa kevbe di uwu ato ya la ẹghẹ ne ọ taẹn.

Jọsua 4:14

Emwi ne Nọyaẹnmwa ru ẹdẹrriọ keghi ya ivbi Izrẹl gha rhie ọghọ ne Jọsua zẹ vbe okpọmwa. Iran kegha ya ọghọ ne ẹẹn vbe ẹdẹ agbọn rẹn hia, zẹ vbene iran vbe gha ya ọghọ ne Mosis.

Jọsua 4:24

Rhunmwuda ọnọna, emwa hia ni rre agbọn na gha rẹn ẹtin ọghe Nọyaẹnmwa, wa ghi vbe gha ya ọghọ ne Nọyaẹnmwa Osanobua uwa ẹdẹdẹmwẹdẹ.”

I Samuẹl 12:16

Rhunmwuda ọnii nian, wa mudia vba, ne uwa ghe emwi nọkhua ne e Nọyaẹnmwa khian ru.

I Samuẹl 12:18

Ẹre Samuẹl na na erhunmwu, vbe ẹdẹ nẹdẹrriọ zẹẹ, e Nọyaẹnmwa keghi gie amẹ kevbe avan nukhunmwu rre.