Ẹksọdọs 14:28 - Edo Bible (E Baibol Ẹdo) Version 1996

²⁸ Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Ẹksọdọs 14:28 ပူးပေါင်းရင်းမြစ်များ

Gẹnẹsis 50:9

Ikẹkẹ okhuae kevbe emwa ni hin ẹsin kevbe lelẹe, iran wa gha bun ẹsẹse.

Gẹnẹsis 7:18

Amẹ nii kegha dinmwi yọ, okọ ghi na gha lẹ vbe uhunmwu amẹ.

II Krọnikol 20:24

Ivbiyokuo e Juda ghi sẹ owa abodẹ ne ọ rre ehe ne avbe eghian iran ye, iran ghi ya ghe ehia wa wulo lele otọe. Ọkpa ne ọ vbe miẹn uhunmwu i rrọ.

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Psalm 106:22

U miẹn emwi ọyunnuan ne ọ ru vbe evba u miẹn emwi ọyunnuan ne ọ ru vbe Okun ne Nọbaa.

Psalm 136:15

Sokpan ọ gie ẹzẹ gbele ọba Igipt kevbe ivbiyokuo ẹre etẹbitẹ ọ re ahoẹmwọmwa rẹn khin.

Psalm 78:53

Ọ su iran vbe ne ai na mwẹ ẹbe, ohan ma vbe mu iran, sokpan, okun keghi hihiẹ rre ọ na lẹ rhu avbe eghian iran muotọ.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Ẹksọdọs 15:10

Sokpan, ẹhoho uhiọnrọnmwẹ okpa ke ehe ne u ye rre, okun keghi gue ivbi Igipt muotọ. Iran na dinmwi zẹ vbe oze, gha rrie ototọ amẹ ne ọ gbe orrirri nii.

Ẹksọdọs 15:19

Avbe ivbi Izrẹl keghi fian okun rra vbe otọe ne ọ kae, sokpan, ugbẹn vbe ikẹkẹ okuo ivbi Igipt ghi la uwu okun, e Nọyaẹnmwa keghi hihiẹ amẹ werriegbe rre, ọ na gue iran ginna otọ.

Habakọk 3:13

U ladian ya miẹn emwa ruẹn fan, u ya miẹn ọba ruẹ ne u hannọzẹ fan u kinmwiin ọkaolotu emwa dan fi otọ u keghi fuẹn irogho ẹre hia fẹẹrẹ.

Diuteronomi 11:4

Wa miẹn vbene Nọyaẹnmwa wa rẹnkhẹn ivbi iyokuo Igipt ruan fẹẹrẹ hẹ, ke ẹe kevbe ẹsin kevbe ikẹkẹ okuo iran, ne ọna ruẹn ehia amẹ vbe Okun Iranmwiran vbe iran khu uwa khian.

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.

Giọgis 4:16

E Barak keghi khu avbe ikẹkẹ okuo nii kevbe ivbiyokuo gha rrie Harosiẹt ọghe iran ne ẹ i re Ju. Iran keghi gbele ivbiyokuo e Siseria hia fo fẹẹrẹ; ọkpa ma vbe kẹe vbọ.