Ẹksọdọs 14:25 - Edo Bible (E Baibol Ẹdo) Version 1996

²⁵ Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Ẹksọdọs 14:25 ပူးပေါင်းရင်းမြစ်များ

II Krọnikol 20:29

Uhunmwu ẹvbo hia ni ghi họn vbene Nọyaẹnmwa ya khọn eghian Izrẹl muotọ hẹ, kegha guo zẹzẹzẹ.

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Job 11:20

Sokpan, ọmwa dan gha ghe lẹga, egbe ghi wọ ẹre. Ọ ghi miẹn wẹ ehe ne a la miẹn uhunmwu vbọ i rrọọ. Idaehọ ọkpa ne iran mwẹ ọrọre wẹ, ẹ i mwẹ a ma ghi wu.”

Job 20:24

Ọ gha te wẹ ne irẹn lẹ fe umozo ematọn, uhanbọ oze ghi hae fua.

Job 27:22

ọ gha hoho yan iran vbe ne ẹ i na mwẹ itohan. Vbe iran gha te gha ziga ne iran lẹkua.

Psalm 35:1

E Nọyaẹnmwa, mu aro da iran ni mu aro da mwẹ gu iran ni gunmwẹ gbinna, gbinna.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Psalm 68:12

Avbe ọba kevbe iyokuo iran lẹ rriẹ, ikhuo ni rre owa keghi ghae emwi ne obọ vbare vbe okuo.

Psalm 76:6

Ẹghẹ ne u na ya obọ sekhae ne iran Osanobua Jekọb, avbe ẹsin kevbe iran ni hin iran keghi dele, iran na wulo.

Ẹksọdọs 14:14

E Nọyaẹnmwa gha gbinna ne uwa, emwi ne ọ kan uwa ne uwa gha ru ọrọre ne uwa gha ghe ughe.”

Ẹksọdọs 14:18

I gha khọnmiotọ nẹ, ivbi Igipt gha na rẹn wẹẹ mẹ ọrọre Nọyaẹnmwa.”

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 15:3

Ne ọ khọn okuo ọre Nọyaẹnmwa khin Nọyaẹnmwa ọrọre eni ẹnrẹn.

Aizaia 31:4

E Nọyaẹnmwa keghi tama mwẹ wẹẹ, “Vbene avbe ọsuohuan a rhirhi yan go sẹ ra vbe ne iran a rhi rhi tu sẹ, iran i sẹtin khu oduma hin aranmwẹ ne ọ gbe yotọ nẹ rre, erriọ vbe nọ emwiọkpa i rrọ ne ọ gha sẹtin da mwẹ yi, mẹ ne Nọyaẹnmwa ne Oghodua, ne I ghẹ tan obọ gue Oke Zaiọn.

Jerimaia 51:21

ne I ya zagha avbe ẹsin ke iran ni hin iran ne I ya guọghọ avbe ikẹkẹ okuo kevbe iran ni gua ẹe khian,

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Emọs 9:1

I keghi ya bẹghe vbe Nọyaẹnmwa mudia ke Ogiukpo. I keghi vbe họn vbe. Ọ taa ẹe wẹẹ, “Wa kinmwi odukhunmwu orrẹ ni rre Ọgua Osa ne obọ da ẹe sẹrriọ wẹ ne ẹyotọ ẹre mu rueghe. Wa bunnọ ehia kua, ne uwa gie iran dele gbe avbe emwa nii uhunmwu. I gha gbele iran ni dekẹe vbe uwu avbe emwa nii vbe okuo. Ọkpa ne ọ gha rrie i rrọ, ọkpa ne ọ gha miẹn uhunmwu i rrọ.

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Diuteronomi 3:22

Ghẹ gie ohan iran mu ẹẹn, rhunmwuda, e Nọyaẹnmwa Osanobua ruẹ gha gbinna nuẹn.’

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.

Jọsua 10:14

A ma he ka miẹn egbe ẹdẹ vberriọ ẹdẹ, a ma vbe dọlegbe miẹn egbọre ke ẹghẹ nii gha dee, ẹdẹ ne Nọyaẹnmwa ye ẹmwẹ ne ọmwa ne agbọn tae ru emwi, ọ na deba ivbi Izrẹl gbinna.

Giọgis 4:15

E Barak ghi wa ladian ke irẹn kevbe ivbi iyokuo ẹre, e Nọyaẹnmwa keghi fian otighi fi e Siseria ke ẹe kevbe ikẹkẹ okuo ẹre kevbe emwa rẹn egbe, E Siseria keghi tuorre vbe ikẹkẹ okuo ẹre, ọ na ye owẹ lẹ fua.