Ẹksọdọs 14:22 - Edo Bible (E Baibol Ẹdo) Version 1996

²² Avbe ivbi Izrẹl keghi la okun nii gberra vbe otọe ne ọ kae vbene amẹ na yevbe egbekẹn vbe obọ eveva.

Ẹksọdọs 14:22 ပူးပေါင်းရင်းမြစ်များ

II Ọba 2:14

Ọ keghi mu agbada ẹwu Elaija gbe ẹzẹ, rẹn na kha wẹẹ, “E Nọyaẹnmwa ne Osanobua Elaija vboo?” Ọ keghi dọlegbe mu emwi ghe amẹ, ọ na ghae egbe ye eva, rẹn keghi fian ẹn rra ghe obọ nọkpa.

II Ọba 2:8

Elaija keghi ban agbada ẹwu ẹre, ọ na vbuẹ ọre, ọ keghi mu ẹẹn gbe amẹ, amẹ nii keghi wa egbe ye ihe eva, rẹn vbe Elaisia keghi fian ẹn rra ghe obọ nọkpa zẹ vbe otọ ne amẹ i ye.

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Psalm 106:9

Ọ gu Okun ne Nọbaa guan, ọ keghi ka sẹ otọ; ọ keghi viọ emwa nii fian ẹẹn rra vbe otọe ne ọ kae.

Psalm 136:13

Ọ wannọ Okun Nọbaa; etẹbitẹ ọ re ahoẹmwọmwa rẹn khin.

Psalm 136:14

Ọ keghi viọ emwa rẹn la ẹe gberra, etẹbitẹ ọ re ahoẹmwọmwa rẹn khin.

Psalm 66:6

Ọ ye okun khian otọe ne ọ kae, avbe erha mwa odede keghi ya owẹ fian ẹzẹ rra. Ma ghọghọe ye emwi ne ọ ru vbe evba nii.

Psalm 74:15

U ruẹe ne uhunmwu ẹzẹ kevbe ivbi ẹzẹ gha lẹẹ u kevbe silo avbe ẹzẹ nekhua ka.

Psalm 78:13

Ọ wa okun ye ihe eva, ọ na viọ iran la ẹe gberra, ọ keghi ru ẹe ne amẹ mudia, zẹvbe egbekẹn.

Ẹksọdọs 14:29

Sokpan ivbi Izrẹl keghi ya owẹ fian okun ne ọ ka ẹe rra vbene amẹ na yevbe egbekẹn ye iran obọ eveva.

Ẹksọdọs 15:19

Avbe ivbi Izrẹl keghi fian okun rra vbe otọe ne ọ kae, sokpan, ugbẹn vbe ikẹkẹ okuo ivbi Igipt ghi la uwu okun, e Nọyaẹnmwa keghi hihiẹ amẹ werriegbe rre, ọ na gue iran ginna otọ.

Ẹksọdọs 15:8

Ẹhoho uhiọnrọnmwẹ ruẹn yan okun amẹ ọnrẹn keghi yo zẹvbe utete. Amẹ ne ọ lẹ keghi hin oke zẹ vbe egbekẹn. Okun ne ọ dinmwi keghi do kaka.

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 43:16

Ẹghẹ ne ọ kpee fua, e Nọyaẹnmwa keghi zẹẹ odẹ fian okun rraa ovbi odẹ la uwu amẹ ne ọ khọn yo Khọn rre.

Aizaia 51:10

Wẹ ọ re ọ vbe sii okun ka u na zẹẹ odẹ la uwu amẹ gberra, ne avbe iran ne uwẹ gha miẹnfan sẹtin fiaẹn rra.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Zẹkaraia 2:5

E Nọyaẹnmwa tobọ ẹre tae nẹ wẹ te irẹn ra gha re ekẹn erhẹn lẹga ẹvbo nii ne irẹn gha degue ẹre, kevbe wẹ tẹ irẹn ra gha rre evba ke irẹn kevbe uyi irẹn hia.”

Nọmbas 33:8

Iran ghi kpao vbe Pi-Hahirọt rre, iran keghi la odẹ okun Nọbaa gberra la uwu ẹgbo. Iran ghi ya ikpẹdẹ eha khian la uwu ẹgbo Etam, iran keghi ya gbe agọ ye Mara.

I Kọrinti 10:1

Etẹn mwẹ, I ho ne I ye uwa emwi ne ọ sunu vbe egbe avbe erha mwa odede ni lele Mosis khian rre. Okuku mu aghọnghọn gue iran, iran keghi vbe fian Okun Ne Ọ Baa rraa hẹnnẹdẹn.

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.

Jọsua 3:17

Ẹghẹ ne iran na ye owẹ fian ẹn gberra vbe otọ ne ọ kae nii, avbe ohẹn ni mu Ẹkpẹti Ile ọghe Nọyaẹnmwa keghi mudia ye otọe ne ọ kae vbe adesẹneva Jọdan a te do miẹn wẹ emwa hia lae gberra.

Jọsua 4:22

Wa ghi ma iran ẹre wẹ te ivbi Izrẹl ya owẹ fian ẹzẹ Jọdan rra vbe otọ ne ọ kae.

I Samuẹl 25:16

Iran keghi tan ifuẹn gue ima asọn kevbe avan vbe ẹghẹ ne ima na gha rre ehe ne iran ye gbe aro ghe ohuan ima.