Ẹksọdọs 14:21 - Edo Bible (E Baibol Ẹdo) Version 1996

²¹ E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ẹksọdọs 14:21 ပူးပေါင်းရင်းမြစ်များ

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

II Ọba 2:8

Elaija keghi ban agbada ẹwu ẹre, ọ na vbuẹ ọre, ọ keghi mu ẹẹn gbe amẹ, amẹ nii keghi wa egbe ye ihe eva, rẹn vbe Elaisia keghi fian ẹn rra ghe obọ nọkpa zẹ vbe otọ ne amẹ i ye.

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Job 26:12

Ẹtin ẹnrẹn ọ re ọ khọnmiotọ okun. Ẹwaẹn ẹnrẹn ọ re ọ ya fuẹn Rehab ne Ugbogiorinmwi.

Job 38:24

Wẹ he sẹ ehe ne ovẹn ke yan rre ra, ra ehe ne ẹhoho odẹ ahọ ke hoho re?

Psalm 136:13

Ọ wannọ Okun Nọbaa; etẹbitẹ ọ re ahoẹmwọmwa rẹn khin.

Psalm 148:8

Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

Psalm 66:6

Ọ ye okun khian otọe ne ọ kae, avbe erha mwa odede keghi ya owẹ fian ẹzẹ rra. Ma ghọghọe ye emwi ne ọ ru vbe evba nii.

Psalm 74:13

Ẹtin ruẹn nọkhua ọre u ya wa okun ye ihe eva, u na salọ uhunmwu avbe Ugbogiorinmwi ẹzẹ kua.

Psalm 78:13

Ọ wa okun ye ihe eva, ọ na viọ iran la ẹe gberra, ọ keghi ru ẹe ne amẹ mudia, zẹvbe egbekẹn.

Ẹksọdọs 14:16

Tọn ọkpọ ruẹ mu ne u niẹn obọ da okun, ne u wannọ ẹn ne ivbi Izrẹl miẹn ehe na la otọ nọkae fian okun rra.

Ẹksọdọs 14:20

Ọ keghi mudia ye ẹkpo ivbiyokuo Izrẹl kevbe ivbiyokuo Igipt. Okuku keghi gie ebiebi so yan ivbi Igipt, sokpan, ọ keghi rhie uwanmwẹ ne ivbi Izrẹl, rhunmwuda ọnii, avbe iyokuo nii ma sẹtin sikẹ egbe vbe asọn nii hia.

Ẹksọdọs 15:8

Ẹhoho uhiọnrọnmwẹ ruẹn yan okun amẹ ọnrẹn keghi yo zẹvbe utete. Amẹ ne ọ lẹ keghi hin oke zẹ vbe egbekẹn. Okun ne ọ dinmwi keghi do kaka.

Ẹksọdọs 7:19

E Nọyaẹnmwa keghi tama e Mosis wẹẹ, “Tama Errọn ne ọ rhie ọkpọ ruẹ ne ọ niẹn ẹnrẹn da ehe ne amẹ ghi ye vbe otọ Igipt hia, avbe ẹzẹ, ẹzẹ ne afian miẹn egbe, kevbe avbe ọghọdọ, avbe amẹ ni rrọọ gha khian esagiẹn. Amẹ gha khian esagiẹn gba otọ ni fo, esagiẹn gha rrọọ ya sẹ egbe avbe erhan kevbe amẹ ne ọ lẹ ke okuta lẹkua rre.”

Aizaia 23:11

E Nọyaẹnmwa niẹn obọ rra okun, ọ keghi munọ avbe arriọba gbotọ. Ọ keghi vbe wẹ ne a guọghọ avbe ehe ne emwa e Fonisia na do ẹki sotọ.

Aizaia 43:16

Ẹghẹ ne ọ kpee fua, e Nọyaẹnmwa keghi zẹẹ odẹ fian okun rraa ovbi odẹ la uwu amẹ ne ọ khọn yo Khọn rre.

Aizaia 44:27

I ya ukpẹmwẹ ọkpa ne I tae sii okun ka.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 51:10

Wẹ ọ re ọ vbe sii okun ka u na zẹẹ odẹ la uwu amẹ gberra, ne avbe iran ne uwẹ gha miẹnfan sẹtin fiaẹn rra.

Aizaia 51:15

“Mẹ ọrọre Nọyaẹnmwa ne Osanobua ruẹ mẹ ọ re ọ tughu okun I ghi vbe ye ulẹmwẹ amẹ ọnrẹn gha vanhiẹn. Eni mwẹ ọrore Nọyaẹnmwa ne Oghodua.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Habakọk 3:8

Avbe ẹzẹ ọ re ọ ya ohu mu ẹẹn ra Nọyaẹnmwa? Avbe okun ọ re ọ gie ohu kakabọ mu ẹẹn ra? Uhunmwu okuku amẹ ọ re uwẹ hin la khian; okuku amẹ okpẹhoho ọrọre ikẹkẹ okuo ruẹ, u keghi rhie akhọnmiotọ gie emwa ruẹn.

Iwinna 7:36

Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva.

Jọsua 2:10

Ma họn vbene Nọyaẹnmwa ka okun Nọ Baa hẹ vbe odaro uwa vbe uwa kpa hin Igipt rre. Ma họn ẹn vbe ne uwa gbele avbe ọba eva ọghe Amọri, Saihọn kevbe Ọg, vbe odẹ ahọ ọghe Jọdan, ke ẹe kevbe ivbiyokuo iran.

Jọsua 3:17

Ẹghẹ ne iran na ye owẹ fian ẹn gberra vbe otọ ne ọ kae nii, avbe ohẹn ni mu Ẹkpẹti Ile ọghe Nọyaẹnmwa keghi mudia ye otọe ne ọ kae vbe adesẹneva Jọdan a te do miẹn wẹ emwa hia lae gberra.

Jọsua 4:23

“E Nọyaẹnmwa Osanobua uwa keghi si amẹ Jọdan ka ne uwa rhinrin wa te do fian ẹẹn rra, zẹ vbene ọ vbe si amẹ Okun Nọ Baa ka ne ima vbe ima te fian ẹẹn rra.