Ẹksọdọs 14:20 - Edo Bible (E Baibol Ẹdo) Version 1996

²⁰ Ọ keghi mudia ye ẹkpo ivbiyokuo Izrẹl kevbe ivbiyokuo Igipt. Okuku keghi gie ebiebi so yan ivbi Igipt, sokpan, ọ keghi rhie uwanmwẹ ne ivbi Izrẹl, rhunmwuda ọnii, avbe iyokuo nii ma sẹtin sikẹ egbe vbe asọn nii hia.

Ẹksọdọs 14:20 ပူးပေါင်းရင်းမြစ်များ

Psalm 18:11

Ọ ya ebiebi gue egbe ẹre, ikpakpa iso ne ọ mwẹ imi kevbe ne ọ vuọn ne amẹ, keghi lẹga ẹre.

Psalm 78:53

Ọ su iran vbe ne ai na mwẹ ẹbe, ohan ma vbe mu iran, sokpan, okun keghi hihiẹ rre ọ na lẹ rhu avbe eghian iran muotọ.

Ẹksọdọs 14:19

Odibo Osanobua ne ọ karo ne ivbiyokuo Izrẹl keghi kpaegbe gha rrie odẹ iyeke, orre okuku ne ọ ke odaro ne iran keghi gberra ghe odẹ iyeke iran.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Aizaia 52:12

Ẹghẹ na, wa i ghi ra khirhi kpao, wa i ghi ra gha hia ne uwa lẹ fua. E Nọyaẹnmwa ne Osanobua uwa gha kodaro ne uwa ọ ghi vbe degue uwa vbe igienenẹ.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Jọsua 24:7

Iran ghi ye ekhọe hia na erhunmwu ghe mwẹ, I keghi mu ebiebi ye ẹkpo iran kevbe ivbi Igipt. I keghi gie okun lẹ yan ivbi Igipt, ọ na rhu iran ginna otọe. Wa miẹn emwi ne I ru Igipt re, “Wa kevbe di uwu ato ya la ẹghẹ ne ọ taẹn.