Ẹksọdọs 14:18 - Edo Bible (E Baibol Ẹdo) Version 1996

¹⁸ I gha khọnmiotọ nẹ, ivbi Igipt gha na rẹn wẹẹ mẹ ọrọre Nọyaẹnmwa.”

Ẹksọdọs 14:18 ပူးပေါင်းရင်းမြစ်များ

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 14:25

Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ẹksọdọs 7:17

Enian ọre Nọyaẹnmwa khare nian, ‘Emwi ne I ra ru na gha rhie ma ruẹn wẹ mẹ ọrọre Nọyaẹnmwa. Ghe ẹre, I ra ya ọkpọ na fi ẹzẹ emwi, ọ ghi khian esagiẹn.

Ẹksọdọs 7:5

Ivbi Igipt gha rẹn wẹ mẹ ọrọre Nọyaẹnmwa vbe ẹghẹ ne I gha na kpa obọ mwẹ fi iran emwi, I ghi vbe viọ ivbi Izrẹl hin otọ iran rre.”

Ezikiẹl 28:22

Tama iran ni rre evba ẹmwẹ ne imẹ ne Nọyaẹnmwa ne Oghodua tae vbe ekpa iran. Oghian uwa ọ re I khin Saidọn, emwa gha rho mwẹ ye emwi ne I ru uwa re. Iran gha rẹn wẹ mẹ ọrọre Nọyaẹnmwa vbe I a ghi rri emwa ni rre uwu uwẹ oya nẹ ne I ya rhiema vbene I huan hẹ.

Ezikiẹl 32:15

I gha ya Igipt khian otọe ne ọ gbe ẹvbi nẹ, I na vbe fuẹn avbe emwa ni rre evba hia, iran gha rẹn ighe mẹ ọrọre Nọyaẹnmwa.

Ezikiẹl 38:16

U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.