Ẹksọdọs 14:17 - Edo Bible (E Baibol Ẹdo) Version 1996

¹⁷ I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 14:17 ပူးပေါင်းရင်းမြစ်များ

Gẹnẹsis 50:9

Ikẹkẹ okhuae kevbe emwa ni hin ẹsin kevbe lelẹe, iran wa gha bun ẹsẹse.

Gẹnẹsis 6:17

I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

Gẹnẹsis 9:9

“I ra guẹ kevbe uniẹn ruẹn ta ile,

Ẹksọdọs 14:23

Ivbi Igipt keghi zẹ iran khu, iran na lele iran la uwu okun kevbe iran kevbe avbe ẹsin hia, ikẹkẹ okuo kevbe iran nii gua ẹe.

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 14:8

E Nọyaẹnmwa keghi ya ọba Igipt ze vbe udu, ọ na zẹ ivbi Izrẹl khu, emwa nii kpao vbe uwu akhọnmiotọ.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 7:3

Sokpan, I gha ru ẹe ne ọba ze vbe udu, uhin vbe I gha ye winna iwinna ọyunnuan kevbe ọghe ama nibun nẹ vbe Igipt.

Aizaia 48:15

Mẹ ọ re ọ guanrẹn, I na vbe tie ẹre I su ẹe ladian, I na vbe rhie akhọnmiotọ ne ẹẹn.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Jerimaia 23:39

I gha gua iran rhie, I ghi filo iran ku ehe ne ọ rrei mẹ ẹsẹse ke iran kevbe ẹvbo nii ne I mu ne avbe erha iran odede.

Ezikiẹl 28:22

Tama iran ni rre evba ẹmwẹ ne imẹ ne Nọyaẹnmwa ne Oghodua tae vbe ekpa iran. Oghian uwa ọ re I khin Saidọn, emwa gha rho mwẹ ye emwi ne I ru uwa re. Iran gha rẹn wẹ mẹ ọrọre Nọyaẹnmwa vbe I a ghi rri emwa ni rre uwu uwẹ oya nẹ ne I ya rhiema vbene I huan hẹ.

Ezikiẹl 34:11

“Mẹ ne Nọyaẹnmwa ne Udazi tama uwa nian wẹ, I gha gualọ avbe ohuan mwẹ miẹn, I ghi vbe tobọ mwẹ gha gbearoghe iran.

Ezikiẹl 34:20

“Rhunmwuda ọnii, mẹ ne Nọyaẹnmwa ne Udazi tama uwa wẹ I gha bu ohiẹn uwa ne ohuan ni wegbe kevbe avbe ohuan ni ma wegbe.

Ezikiẹl 5:8

Rhunmwuda ọnii, te imẹ ne Nọyaẹnmwa ne Udazi ghi tama ruẹn nian ighe oghian an ọ re I khin. Igha bu ohiẹn ruẹn vbe ehe ne aro uhunmwu ẹvbo hia gha na sẹ ọe.

Ezikiẹl 6:3

Tama avbe oke Izrẹl ne iran danmwehọ vbene e Nọyaẹnmwa ne Udazi khare, ne iran họn ẹmwẹ ne imẹ ne Nọyaẹnmwa ne Udazi tama avbe oke nekhua ke negiẹrẹ, avbe ugboghodo kevbe iya: I gha gie umozo ne ọ do guọghọ ehe ne emwa na ga avbe ẹbọ rua.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Ebe ne Pọl gbẹẹn gie emwa Rom 9:18

Ọnii rhie maa khekherriọ wẹẹ, ọmwa ne ọ khọn Osanobua ọre ọ tohan rẹn, ọ ghi vbe ya ne ọ khọn rẹn ze vbe ẹkoko udu.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

Giọgis 4:7

I gha si e Siseria ne ọkaokuo ne ọ gbearoghe ivbi iyokuo Jabin gha dee ne ọ do gu uẹ gbinna vbe Ẹzẹ Kisiọn. Ọ gha viọ ikẹkẹ okuo ẹre kevbe ivbi iyokuo mwẹ obọ, sokpan, I gha ru ẹe ne obọ ruẹ ke odukhunmwu ne ẹẹn.’ ”

I Samuẹl 6:6

Vbọzẹ ne uwa gha na ze vbe ẹkoko udu zẹ vbe ne ọba Igipt, kevbe emwa Igipt ye? Yerre vbene Osanobua zuọzuọ iran hẹ, iran te do gie ivbi Izrẹl kpa vbe Igipt rre.