Ẹksọdọs 14:16 - Edo Bible (E Baibol Ẹdo) Version 1996

¹⁶ Tọn ọkpọ ruẹ mu ne u niẹn obọ da okun, ne u wannọ ẹn ne ivbi Izrẹl miẹn ehe na la otọ nọkae fian okun rra.

Ẹksọdọs 14:16 ပူးပေါင်းရင်းမြစ်များ

II Ọba 4:29

Elaisia keghi mu aro da Gehazi ọ wẹẹ, “Ẹgiẹgiẹ! Rhie ọkpọ mwẹ ne u gha khian. Ghẹ mudia tuẹ ọmwa ne u vba vbe odẹ, a deghẹ emwa vbe tuọ, ghẹ mudia miẹn ẹre otuẹ. Wa la uwu owa nii gha khian ne u ya da ọkpọ mwẹ yi yan ọmọ okpia nii.”

Ẹksọdọs 14:15

E Nọyaẹnmwa keghi tama e Mosis wẹẹ, “Vbe u a na tu nọ iyobọ hẹ yi? Tama ivbi Izrẹl ne iran khianmwu.

Ẹksọdọs 14:26

E Nọyaẹnmwa keghi tama e Mosis wẹẹ, “Niẹn obọ ruẹ da okun ne amẹ lẹ werriegbe yan ivbi Igipt kevbe ikẹkẹ okuo iran kevbe iran nii gua ẹe.”

Ẹksọdọs 17:5

E Nọyaẹnmwa keghi tama e Mosis wẹẹ, “Viọ eso vbe uwu avbe ekaolotu ivbi Izrẹl ba egbe ne u fian ke odaro ne iran. Rhie ọkpọ ne u rhie gbe ẹzẹ mwẹ obọ ne u gha khian.

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Ẹksọdọs 4:17

Rhie ọkpọ ne a ya tua otọ khian nii mwẹ obọ, ọnii ọre u ra ya gha winna iwinna ọyunnuan.”

Ẹksọdọs 4:2

E Nọyaẹnmwa keghi nọ rẹn wẹẹ, “De emwi ne u da yi nii yi?” Ọ wanniẹn, “Ọkpọ ne a ya tua otọ khian.”

Ẹksọdọs 4:20

E Mosis keghi viọ amwẹ ọnrẹn kevbe avbe ivbi ẹre nikpia, ọ ke viọ iran yan ekẹtẹkẹtẹ, ọ na dọlegbe gha rrie Igipt. Ọ keghi vbe rhie ọkpọ nii ne Osanobua rhie nẹẹn.

Ẹksọdọs 7:19

E Nọyaẹnmwa keghi tama e Mosis wẹẹ, “Tama Errọn ne ọ rhie ọkpọ ruẹ ne ọ niẹn ẹnrẹn da ehe ne amẹ ghi ye vbe otọ Igipt hia, avbe ẹzẹ, ẹzẹ ne afian miẹn egbe, kevbe avbe ọghọdọ, avbe amẹ ni rrọọ gha khian esagiẹn. Amẹ gha khian esagiẹn gba otọ ni fo, esagiẹn gha rrọọ ya sẹ egbe avbe erhan kevbe amẹ ne ọ lẹ ke okuta lẹkua rre.”

Ẹksọdọs 7:9

“A deghẹ ọba wẹ ne uwa ya iwinna ọyunnuan rhie ma ighẹ wa nọ, u ghi tama Errọn wẹ ne ọ rhie ọkpọ ne u ya tua otọ ne u fi ẹe fi otọ vbe odaro ọba ne u ya ẹe khian ẹyẹn.”

Aizaia 10:26

Mẹ ne Nọyaẹnmwa ne Udazi gha ya asan gbe iran zẹ vbene I ru ivbi e Midian vbe Okuta Orẹb. I gha rri Asiria oya zẹ vbene I rri Igipt oya.

Habakọk 3:8

Avbe ẹzẹ ọ re ọ ya ohu mu ẹẹn ra Nọyaẹnmwa? Avbe okun ọ re ọ gie ohu kakabọ mu ẹẹn ra? Uhunmwu okuku amẹ ọ re uwẹ hin la khian; okuku amẹ okpẹhoho ọrọre ikẹkẹ okuo ruẹ, u keghi rhie akhọnmiotọ gie emwa ruẹn.

Nọmbas 20:11

Ọre Mosis na tọn ọkpọ nii mu ọ na fi okuta nii re igba eva, ẹzẹ nọkhua kevbe le ladian vbọ, emwa nii hia kevbe emwirri iran ke ghi wọn.

Jọsua 8:18

Ẹre Nọyaẹnmwa na tama Jọsua wẹẹ, “Niẹn asoro ruẹ da Eai, I ra muẹn nuẹn.” E Jọsua keghi ru vbene a tama rẹn.