Ẹksọdọs 14:15 - Edo Bible (E Baibol Ẹdo) Version 1996

¹⁵ E Nọyaẹnmwa keghi tama e Mosis wẹẹ, “Vbe u a na tu nọ iyobọ hẹ yi? Tama ivbi Izrẹl ne iran khianmwu.

Ẹksọdọs 14:15 ပူးပေါင်းရင်းမြစ်များ

II Ọba 17:36

Wa ghi gha họn ẹmwẹ mẹ, mẹ ne Nọyaẹnmwa ne ọ viọ uwa ke Igipt ladian vbe iwegbe kevbe ẹtin nọkhua, mẹ ọre uwa gha ya uhunmwu kan otọ na, wa ghi vbe zọ ese ya ru mwẹ.

II Ọba 17:7

E Sameria keghi de guọghọ ua, rhunmwuda ivbi Izrẹl sẹ ẹmwẹ e Nọyaẹnmwa ne Osanobua iran, ọmwa ne ọ wọlọ iran hin obọ ọba Igipt rre, ọ na viọ iran ladian vbe Igipt. Iran keghi ya gha ga ẹbọ ọvbehe.

II Ọba 20:11

Aizaia keghi na erhunmwu ghe Nọyaẹnmwa, rẹn keghi ruẹe ne aghọnghọn ni ye ibata igbe kanmwa sẹ ayọ vbe ikpawẹ Ehaz ne ọba.

Nehimaia 9:9

“U miẹn oya ne avbe erhamwa odede re vbe Igipt. U keghi họn vbe iran tu nọ iyobọ ọkpẹn Okun Iranmwiran.

Ẹksọdọs 14:14

E Nọyaẹnmwa gha gbinna ne uwa, emwi ne ọ kan uwa ne uwa gha ru ọrọre ne uwa gha ghe ughe.”

Ẹksọdọs 14:16

Tọn ọkpọ ruẹ mu ne u niẹn obọ da okun, ne u wannọ ẹn ne ivbi Izrẹl miẹn ehe na la otọ nọkae fian okun rra.

Ẹksọdọs 17:4

E Mosis keghi kakabọ na erhunmwu ghe Nọyaẹnmwa wẹẹ, “Vbe I a ra ru emwa na hẹ yi? Te iran ghi ra filo okuta ya gbe mwẹ uan.”

Jọsua 7:10

E Nọyaẹnmwa keghi tama e Jọsua wẹẹ, “Kpaegbe, vbọzẹ ne u na mu aro rhu otọ vbe nian na yi?