Ẹksọdọs 14:11 - Edo Bible (E Baibol Ẹdo) Version 1996

¹¹ Iran keghi tama e Mosis wẹẹ, “Te idin i ghi rre Igipt ra ne u na viọ ima gha de uwu oha ne ima do wulo kua. U ma miẹn emwi ne u ru nian ne u na viọ ima ke Igipt ladian.

Ẹksọdọs 14:11 ပူးပေါင်းရင်းမြစ်များ

Gẹnẹsis 43:6

E Jekọb wanniẹn tama iran wẹẹ, “Vbe uwa ghi na vbe si ọna yọ mwẹ urhu hẹ, ne uwa na vbe tama okpia nii ighẹ wa mwẹ ọtẹn ọkpa ọvbehe?”

Ẹksọdọs 13:17

Ugbẹn vbe ọba Igipt ghi sẹ avbe emwa nii rae nẹ ne iran kpao, Osanobua ma gie iran la odẹ ọkpẹn ẹzẹ Filistia, a gha rhe miẹn wẹ ọnii ọre ọ te ke ẹe sẹ. Osanobua ke kha wẹẹ, “I ma ho ne iran fi ekhọe werriẹ, ne iran dọlegbe gha rrie otọe Igipt vbe iran a miẹn okuo ne iran ra khọn.”

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Ẹksọdọs 5:22

E Mosis keghi dọlegbe bu e Nọyaẹnmwa, ọ na kha wẹẹ, “Vbọzẹ ne u na ru avbe emwa na khọ? Vbọzẹ ne u na gie mwẹ?

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 11:15

A deghẹ erriọ u khian gha ru mwẹ, lahọ tohan mwẹ ne u gbe mwẹ uan ne I ghẹ ghi họn ẹmwẹ obọ dan ruẹn vbe egbe mwẹ ọvbehe.”

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Nọmbas 16:41

Ẹdẹ ne ọ lelẹe, emwa ni hia keghi suẹn gha gui ẹzọ uwu unu ghe Mosis kevbe Errọn wẹẹ, “Wa gbele eso ua vbe uwu emwa e Nọyaẹnmwa.”