Ẹksọdọs 13:5 - Edo Bible (E Baibol Ẹdo) Version 1996

⁵ E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Ẹksọdọs 13:5 ပူးပေါင်းရင်းမြစ်များ

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

I Krọnikol 1:15

Hivi, Aki, Sini,

Ẹksọdọs 12:24

Wa ghi gha ru emwi na zẹ vbe iyi etẹbitẹ ne uwa kevbe ivbi uwa.

Ẹksọdọs 13:10

U ghi gha ru emwiukpo na vbe ẹghẹ ne a rhie ẹre yi ukpukpo.

Ẹksọdọs 13:11

“E Nọyaẹnmwa gha viọ uwa sẹ otọ avbe emwa Kenan zẹ vbe ne ọ yan ma uwa kevbe avbe erha uwa odede. Ọ gha ghi rhie ẹre ne uwa nẹ,

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Ẹksọdọs 33:1

E Nọyaẹnmwa keghi tama e Mosis wẹẹ, “Kpao vbe emwa na rre ke uwẹ kevbe emwa ne u viọ ke Igipt ladian, ne u gha rrie otọ ne I wẹ I gha mu ne Ebraham, Aizik kevbe Jekọb, kevbe uniẹn iran ẹghẹ ne I na tama iran wẹẹ, ‘I gha mu otọ na ne ivbi uniẹn uwa.’

Ẹksọdọs 34:11

U ghi gha lele uhi ne I gha rhie nuẹn ẹrẹna. I gha khulo iran hin odaro ruẹ rre ighẹ ivbi Amọri, e Kenan, e Hiti, e Pẹriz, e Hivi kevbe Jebus, vbene u ya nana sikẹ odaro.

Ẹksọdọs 6:4

I vbe gu iran ta ile vbe ne I na yan wẹẹ, I gha mu otọ Kenan ne iran, otọe ne iran gha ye, zẹ vbe orhunmwuyẹn.

Ẹksọdọs 6:8

I gha viọ uwa gha rrie otọe nii ne I mobọ yan wẹ 1 gha mu ne Ebraham, Aizik kevbe Jekọb. I gha mu ne uwa ne ọ gha re ọwua, mẹ ọrọre Nọyaẹnmwa.’ ”

Jerimaia 11:5

“Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Jerimaia 32:22

U mu otọ esiesi ne ọ maa emwiokọ na ne iran zẹ vbene u ve avbe erha iran odede re.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Levitikọs 20:24

Sokpan mẹ ve uwa otọ esiesi ne ọ maa emwi okọ na nẹ, ne ọ gha re ọghe uwa, I gha rhie ẹre ne uwa. Mẹ ọ re Nọyaẹnmwa Osanobua uwa. Te I hannọ uwa ladian hin uwu avbe ẹvbo nekpa rre.

Nọmbas 11:12

Ẹ i re mẹ ọre ọ yi iran, ẹ i re imẹ ọ biẹlẹ iran! Vbu a ghi na wẹ ne I ru zẹ vbe ọkokọmọ ne I viọ iran ye ekuabọ mwẹ zẹ vbe ọmọmọ gha rrie otọ ne u ve wẹ u gha mu ne avbe erha iran odede hẹ?

Nọmbas 13:27

Iran keghi tama e Mosis wẹẹ, “Ma ya ghe ẹvbo ne u gie ima ẹre ghe nẹ, otọe ne ẹfe ye ke vbe ne ọ maa emwiokọ nọ, usun ọmọ erhan ni rrọ ọre ena khin.

Nọmbas 14:16

‘Rhunmwuda ighẹ u ma sẹtin viọ emwa ruẹn sẹ otọ ne u ve iran re ọre u na gbele iran an ye uwu ẹgbo.’

Nọmbas 14:30

I te yan wẹ I gha gie uwa yin otọe ni, sokpan, nian ọkpa vbe uwu uwa ne ọ gha yin ẹnrẹn ẹ ghi rrọọ gberra Kelẹb kevbe Jọsua.

Nọmbas 32:11

‘Rhunmwuda ne iran ma na guobọ mwẹ, avbe emwa hia ni rre ukpo ugie, kevbe ni wan sẹ ọnii, vbe iran kpao hin Igipt rre, ne ọ gha sẹ otọ ne ne I ve Ebraham, Aizik kevbe Jekọb re, ẹ i rrọ.’

Diuteronomi 12:29

“E Nọyaẹnmwa ne Osanobua rua gha fuẹn avbe ẹvbo nii hia zẹ vbene uwa ya gu iran gbinna vbe otọ iran, wa ghi mu ẹẹn, wa ghi yin ẹnrẹn.

Diuteronomi 19:1

“Nọyaẹnmwa ghẹ ghi fuẹn iran an nẹ ighẹ avbe emwa ne ọ ra mu ẹvbo iran ne uwa, ighẹ wa vbe munọ ẹvbo iran ke owa iran nẹ, wa na ghi gbe ẹkun sẹ otọ vbe evba.

Diuteronomi 26:1

“Wa ghẹ ghi yin otọe nii ne Nọyaẹnmwa ne Osanobua rua ra mu ne uwa nẹ ighẹ ẹkun vbe sẹ uwa otọ nẹ.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 24:11

Wa keghi fian Jọdan rra gha die Jẹriko. Ivbi e Jẹriko kegha gu uwa gbinna vbene emwa Amọri, Pẹriz, Hiti, Gẹgas, Hivi kevbe Jebus vbe ru. I keghi rhie akhọnmiotọ ne uwa vbe uhunmwu iran.