Ẹksọdọs 13:22 - Edo Bible (E Baibol Ẹdo) Version 1996

²² Orre okuku nii kegha ke odaro ne iran vbe avan hia, kevbe orre erhẹn vbe asọn.

Ẹksọdọs 13:22 ပူးပေါင်းရင်းမြစ်များ

Nehimaia 9:12

U ya okuku su iran vbe ẹghẹ avan, u keghi ya erhẹn rhukpa ne iran vbe ẹghẹ asọn.

Nehimaia 9:19

Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Ẹksọdọs 14:1

E Nọyaẹnmwa keghi khama e Mosis wẹẹ,

Ẹksọdọs 14:19

Odibo Osanobua ne ọ karo ne ivbiyokuo Izrẹl keghi kpaegbe gha rrie odẹ iyeke, orre okuku ne ọ ke odaro ne iran keghi gberra ghe odẹ iyeke iran.

Ẹksọdọs 40:38

Okuku nii ne ọ rhie maa wẹẹ e Nọyaẹnmwa rre evba ghi gha mudia yan Owa Ukpọn nii vbe avan, erhẹn ghi vbe gha ba vbọ vbe asọn vbe ehe ne ivbi Izrẹl hia gha na sẹtin bẹghe vbe uwu ẹghẹ hia ne iran ya gha si ke agọ dinna agọ.

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Nọmbas 9:15

Vbe ẹdẹ ne a mu Owa Ukpọn Ile ni mudia, okuku ke ghi rre do degue ẹre. Vbe asọn, ọ ke yevbe erhẹn.

Arhie Maan 10:1

Vbe iyeke ọnii, I keghi bẹghe odibosa nọkhua ọkpa vbe ọ ke ẹrinmwi tuorre dee. Amẹ ne ọ bii ọre ọ ya mu egbe. Ikpin amẹ keghi lẹga ẹre uhunmwu, ugbaro ẹre keghi yevbe owẹn, erhan owẹ ọre nekhua ye vbe orre ọghe erhẹn.