Ẹksọdọs 13:21 - Edo Bible (E Baibol Ẹdo) Version 1996

²¹ Vbe ẹghẹ avan, e Nọyaẹnmwa ghi ya orre okuku ke odaro iran ne ọ gha ma iran odẹ, kevbe ẹghẹ asọn, ọ ghi ya orre erhẹn ke odaro ne iran ne ọ gha rhie uwanmwẹ ne iran, ne iran miẹn ehe na ye avan kevbe asọn khian.

Ẹksọdọs 13:21 ပူးပေါင်းရင်းမြစ်များ

Nehimaia 9:12

U ya okuku su iran vbe ẹghẹ avan, u keghi ya erhẹn rhukpa ne iran vbe ẹghẹ asọn.

Nehimaia 9:19

Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Psalm 105:39

Osanobua keghi mu okuku amẹ, ye odukhunmwu emwa irẹn, kevbe erhẹn vbe asọn, ne ọ gha rhie uwanmwẹ ne iran.

Psalm 68:7

Osanobua, ẹkpo ne u na viọ avbe emwa ruẹn ladian, ẹghẹ ne u na la ato gberra,

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Psalm 78:14

Vbe ẹghẹ avan, ọ keghi ya okuku su iran ọ keghi ya orre erhẹn su iran vbe asọn hia.

Psalm 99:7

Ọ keghi ke orre okuku gu iran guan, iran kegha ya uhi kevbe emwamwa, ne ọ viọ ye iran otọ ru emwi.

Ẹksọdọs 10:10

Ọba keghi tama iran wẹẹ, Mẹ ya eni e Nọyaẹnmwa vẹn ihẹn wẹ! Mẹ i ra gie uwa viọ amwẹ uwa kevbe ivbi uwa. Arodae nian wẹ emwi dan ọre ọ rre uwa ekhọe.

Ẹksọdọs 16:10

Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Nọmbas 10:34

Zẹ vbene iran ya si ke agọ kpao nii, erriọ ọre okuku ọghe Nọyaẹnmwa ya rhu gue iran vbe avan.

Nọmbas 14:14

Iran ghi do tama emwa ni rre ẹvbo na. Emwa na ka họn nẹ wẹ, wẹ ne Nọyaẹnmwa rrọọ yaba mwa, wẹ, te u wa ya egbe ne a miẹn vbe okuku ruẹ a de mudia vbe odukhunmwu ehe ne ima ye, kevbe wẹ avan gha rre, u ghi ke odaro ne ima vbe uwu orre okuku amẹ kevbe asọn, vbe uwu orre erhẹn.

Diuteronomi 1:33

Ọmwa ne ọ gha ke odaro ne uwa vbe ẹghẹ hia ne ọ ya gha gualọ ehe ne uwa gha gbe agọ yi ye otọ khẹ uwa. Asọn gha rre, ọ ghi mu akpa orre erhẹn yọ ya ke odaro ne uwa, avan gha rre ọ ghi gha re orrẹ okuku amẹ, ne ọ miẹn ehe na ma uwa odẹ.

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”