Ẹksọdọs 13:19 - Edo Bible (E Baibol Ẹdo) Version 1996

¹⁹ E Mosis keghi mu ikun ọghe Josẹf mwẹ zẹ vbe ne Josẹf ya ivbi Izrẹl vẹn ihẹn ọnrẹn wẹ iran gha ru. E Josẹf ta ẹe wẹẹ, “Ẹ i mwẹ Osanobua ma miẹn uwa fan, wa ghi mu ikun mwẹ ba egbe lahin evba nii rre.”

Ẹksọdọs 13:19 ပူးပေါင်းရင်းမြစ်များ

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Iyẹn ne ọ Maan Ọghe Luk 1:58

Avbe emwa ẹdogbo kevbe etiọnrẹn ni họn vbene Nọyaẹnmwa ru ẹre ẹse hẹ keghi gue ẹe ghọghọ ẹsẹse.

Iyẹn ne ọ Maan Ọghe Luk 7:16

Ohan keghi mu emwa hia, iran keghi rhie uyi ne Osanobua wẹẹ, “Akhasẹ nọkhua zọ ladian vbe uwu ima,” kevbe wẹ, “Osanobua rre do miẹn emwa rẹn fan!”

Iwinna 7:15

Rhunmwuda ọnii ọre Jekọb na gha rrie Igipt. Evba ọre rẹn kevbe avbe erha mwa odede na wulo.

Iwinna 7:16

A keghi viọ ikun iran gha rrie Siẹkẹm, a keghi ya re iran ye idin ne Ebraham gu emwa Hamọ dẹ ha osa.

Hibru 11:22

Iyayi ọre a ya miẹn wẹ, ọ ghi bu ẹghẹ ne Josẹf ra ya wu, ọ keghi ye unu kan ẹmwẹ vbene ivbi Izrẹl gha kpao vbe Igipt rre hẹẹ, ọ na tama iran vbene iran gha ru ikun irẹn hẹẹ.

Jọsua 24:32

Iran keghi re avbe ugboloko e Josẹf ne ivbi Izrẹl viọ ke Igipt gha dee ye Siẹkẹm, vbe ako otọ ne Jekọb gu ivbi e Hamọ ne erha Siẹkẹm dẹ ọ re esiliva iyisẹn. Ivbi e Josẹf ọ re ọ rri otọe nii vbe ukhu.