Ẹksọdọs 13:17 - Edo Bible (E Baibol Ẹdo) Version 1996

¹⁷ Ugbẹn vbe ọba Igipt ghi sẹ avbe emwa nii rae nẹ ne iran kpao, Osanobua ma gie iran la odẹ ọkpẹn ẹzẹ Filistia, a gha rhe miẹn wẹ ọnii ọre ọ te ke ẹe sẹ. Osanobua ke kha wẹẹ, “I ma ho ne iran fi ekhọe werriẹ, ne iran dọlegbe gha rrie otọe Igipt vbe iran a miẹn okuo ne iran ra khọn.”

Ẹksọdọs 13:17 ပူးပေါင်းရင်းမြစ်များ

I Ọba 8:47

danmwehọ erhunmwu emwa ruẹn. A deghẹ iran ghi vbe miẹn kue vbe odọ niii, vbene iran zẹ iba vbe ru emwi dan hẹ, iran na na erhunmwu ghe ruẹ, u ghi họn erhunmwu iran Nọyaẹnmwa.

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Ẹksọdọs 14:10

Ugbẹn vbe ọba Igipt ghi khian sikẹ iran, ivbi Izrẹl keghi miẹn wẹ ivbi Igipt mu okuo bu iran dee. Ohan keghi mu iran, iran na datie Nọyaẹnmwa.

Iwinna 15:38

Sokpan Pọl ma ro wẹ emwi ne ọ gbae nọ ne a rhie ẹre rhunmwuda ọ ma gu iran dia sẹ ufomwẹ okhian ikporhu iran sokpan ọ werriegbe, ọ keghi sẹ iran rae vbe Pamfilia.

Iwinna 7:39

“Sokpan avbe erha mwa odede ma miẹn ẹre ẹmwẹ ye ehọ, iran bie ẹe fua, ọ kegha khọn iran ne iran dọlegbe gha rrie Igipt.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.

Diuteronomi 20:8

“Avbe ekaolotu ghi vbe tama emwa ni wẹẹ, ‘Arhin eso rre emwa ra ne obọ ẹre i ghi guọ emwi, ne ohan vbe mu? Adeghẹ ọ rrọọ ọ sẹtin gha rrie owa, ne ọ ghẹ kọ ohan ye emwa nekpa ekhọe.’

Diuteronomi 28:68

E Nọyaẹnmwa gha ye okọ eviẹn hẹ uwa werriegbe gha rrie Igipt, a gha rhe miẹn wẹ rẹn yan rẹn wẹ wa i ghi dọlegbe rrie evba ọvbehe. Wa gha sẹ odọ, wa ghi te gha ho ne uwa khiẹnnẹ egbe uwa zẹ vbe eviẹn ne avbe eghian uwa, sokpan a i miẹn ne ọ gha kue ne ọ dẹlẹ uwa.”

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.

Giọgis 7:3

Khama emwa ni wẹẹ, ‘Ọmwaikọmwa ne ohan mu, wẹ ne ọ kpao vbe Oke Giliad rre ne ọ werriegbe gha rrie owa.’ ” Ẹre iran arriaisẹneva-yan ugie (22,000) na gha rrie, sokpan arriaisẹn igbe (10,000) keghi mudia.