Ẹksọdọs 13:13 - Edo Bible (E Baibol Ẹdo) Version 1996

¹³ Sokpan wa ghi ya oteghe ohuan zọ ese ye ihe emọ ọdiọn ọghe avbe ekẹtẹkẹtẹ ne uwa ya dẹlẹ iran werriegbe. A deghẹ wa i ho ne uwa dẹ ọe werriegbe, wa ghi bun ẹnrẹn ẹyaẹn. Te uwa ra gha dẹlẹ ivbi uwa ne ọdiọn ne ọre okpia werriegbe.

Ẹksọdọs 13:13 ပူးပေါင်းရင်းမြစ်များ

Ẹksọdọs 12:21

E Mosis keghi tie avbe ọkaolotu ivbi Izrẹl hia, ọ tama iran wẹẹ, “Wa ya hannọ ovbi ohuan ra ovbi ẹwe ne ẹgbẹe uwa ne uwa gha gbe vbe emwiukpo Alagberra.

Ẹksọdọs 12:3

Tama ivbi Izrẹl hia wẹẹ: Vbe ikpẹdẹ ne ogigbe ọghe uki na, edọmwadẹ ọghọe ghi hannọ oteghe ohuan ọkpa ra ovbi ẹwe ọkpa ye otọ ne ẹgbẹe ọre, oteghe ohuan ọkpọkpa ne igiowa ọkpọkpa.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 34:20

Sokpan wa ghi dẹlẹ emọ ọdiọn ọghe ekẹtẹkẹtẹ werriegbe vbe ne uwa gha na gha munọ ohuan ya rọ iran. A deghẹ wa ma dẹ ọe werriegbe, wa ghi bun ẹnrẹn ẹyaẹn, wa ghi gha dẹlẹ dọmwadẹ ọmọdiọn vbe ikpia werriegbe. “Ọmwarhọkpa ghẹ fiabọ emwi izọhẹ gha die odaro mwẹ.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.