Ẹksọdọs 13:12 - Edo Bible (E Baibol Ẹdo) Version 1996

¹² wa ghi ya avbe emọdiọn nii re ikpia fiohan ne Nọyaẹnmwa. E Nọyaẹnmwa ọre ọ vbe yan emọ ọdiọn ni re ọwọe vbe emọ ne emwirri uwa gha biẹlẹ.

Ẹksọdọs 13:12 ပူးပေါင်းရင်းမြစ်များ

Nehimaia 10:36

Emọ ikpia hia ne ima ka gha biẹlẹ, ma gha viọ iran bu ohẹn vbe Ọgua Osa ne a ya iran fi ohan ne Osanobua vbe evba zẹ vbene Uhi kha re. Erriọ ma gha vbe ye ọwẹe ne ẹmila mwa, ke ẹwe mwa kevbe ohuan mwa ka gha biẹlẹ fi ohan.

Nehimaia 10:37

Ma gha mu Igharhuarhua ne a ye amẹ gbe, ne ima ye ọka ne a ka gha fian vbe ugbo mwa rre gie avbe ohẹn, erriọ vbe nọ ne emwi imuohan nekpa, ayọn ofigbọn oliv kevbe avbe ọmọ erhan ne a rhọ re ughughan. Ma gha viọ a ghae ye ihẹ igbe ọghe emwiokọ mwa gie avbe Livai ne ọ koko aghaeyihigbe vbe agọ ne ima na gbe ugbo.

Ẹksọdọs 13:1

E Nọyaẹnmwa keghi tama e Mosis wẹẹ,

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 34:19

Emọ ọdiọn ọwọe, ọre ọghe ọmwa nọ ra aranmwẹ irri, mẹ ọ yan rẹn, ọwọe hia, emọ okaro ọghe ẹmila ra ohuan ruẹn.

Ẹksọdọs 34:20

Sokpan wa ghi dẹlẹ emọ ọdiọn ọghe ekẹtẹkẹtẹ werriegbe vbe ne uwa gha na gha munọ ohuan ya rọ iran. A deghẹ wa ma dẹ ọe werriegbe, wa ghi bun ẹnrẹn ẹyaẹn, wa ghi gha dẹlẹ dọmwadẹ ọmọdiọn vbe ikpia werriegbe. “Ọmwarhọkpa ghẹ fiabọ emwi izọhẹ gha die odaro mwẹ.

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 44:30

Avbe ohẹn ọ re ọ kerre ne gha viọ avbe emwi ne ọ maa sẹ vbe emwi orhọ ne a ka gha rhọ hia kevbe avbe emwi ọvbehe ne a ya yo imuohan gunmwẹ hia fẹẹrẹ. Ẹghẹikẹghẹ ne emwa nii a rhirhi ya le ebrẹd, iran ghi gha mu ne okaro vbọ gie ohẹn zẹ vbe emwi ihaoko, afiangbe mwẹ gha vbe gha rre owa iran.

Levitikọs 27:26

Ọmwa rhọkpa ghẹ ya ọmọ ọdiọn ọghe aranmwẹ zẹ ọhẹ akekhọerre ne Nọyaẹnmwa rhunmwuda, ọghe Nọyaẹnmwa ọre ka nọ yi. ovbi ẹmila ra ovbi ohuan ra ovbi ẹwe, ọghe Nọyaẹnmwa nọ.

Nọmbas 18:15

“Emọ ọdiọn hia ra aranmwẹ ne ivbi Izrẹl viọ gun mwẹ, ọwuẹ nọ. Sokpan, u ghi gha miẹn iran igho ne a ya dẹ ọmọ ọdiọn werriegbe, erriọ u ghi vbe gha miẹn iran igho ne a ya dẹlẹ avbe emọ ọdiọn werriegbe.

Nọmbas 3:12

“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”

Nọmbas 8:17

Ẹghẹ ne I na gbele emọ ọdiọn vbe Igipt, I keghi ya emọ ọdiọn ikpia ọghe ivbi ẹgbẹe Izrẹl fi ohan zẹ vbe ọghomwẹ, deba emọ ọdiọn ọghe aranmwẹ.

Iyẹn ne ọ Maan Ọghe Luk 2:23

Vbenian ọre agbẹn ọẹn ye uhi Nọyaẹnmwa, “Te a gha ye emọdiọn hia fiohan ne Nọyaẹnmwa.”

Diuteronomi 15:19

“U ghi viọ emọ ọdiọn ọghe avbe ẹmila kevbe ohuan ruẹ ye efẹn ọkpa ne Nọyaẹnmwa Osanobua ruẹ. Ghẹ ye avbe ẹmila ni rrọọ winna, ghẹ gbe eto avbe ohuan ni rrọọ.