Ẹksọdọs 12:9 - Edo Bible (E Baibol Ẹdo) Version 1996

⁹ Wa ghẹ rri ọre ọghọgbọn ra na a le ẹe, sokpan a ghi wa tọn ikun ẹnrẹn vberriọ, kevbe uhunmwu ẹnrẹn kevbe inu rẹn ke emwi ni rre ọre uwu egbe hia.

Ẹksọdọs 12:9 ပူးပေါင်းရင်းမြစ်များ

II Krọnikol 35:13

Avbe Livai keghi ya erhẹn tọn emwi izọ ese Alagberra, zẹ vbene a wẹ ne a gha ru ẹe, iran keghi le avbe emwi izọ ese ne ọ huanrẹn vbe akhe ra ovbi ẹgere kevbe ọkpan ne a ya ranmwẹ emwi, iran keghi zẹgiẹgiẹ ghae emiowo nii ne avbe emwa nii.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 29:13

Iyeke ọnii, u ghi mu esagiẹn ne ọ rhu yan ẹkpokhurhu ẹre kevbe ẹvbi ne ọ rre udu ẹre kevbe ihẹnmwẹ ọnrẹn eveva kevbe ẹvbi nii rhu yan iran, u ghi giẹn ehia vbe uhunmwu aka zẹ vbe emwi izọhẹ ghe mwẹ.

Ẹksọdọs 29:17

U ghi giagia ogho nii, u ghi kpe ẹkpokhurhu ẹre kevbe owẹ ẹre, u ghi viọ ẹre yan ikinnegbe ẹre nekpa ne a giagia ẹe, kevbe uhunmwu ẹnrẹn.

Eve Orriara 1:13

“Ọ gie erhẹn ke odukhunmwu rre, erhẹn ne ọ gha yọn vbe uwu imẹ. Ọ khuẹẹn ifi khẹ mwẹ ọ keghi sii mwẹ gbotọ. Iyeke ọnii, ọ keghi hee mwẹ yotọ ọ na sẹ mwẹ rae ye obalọ ne ẹ i mwẹ erọkhọrọkhọ.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Diuteronomi 16:7

Wa ghi lẹe, wa ghi vberriọ vbe ihe ọkpa ne a na ga nii, owiẹ ne ọ lelẹe, wa gha di owa ya.