Ẹksọdọs 12:8 - Edo Bible (E Baibol Ẹdo) Version 1996

⁸ Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 12:8 ပူးပေါင်းရင်းမြစ်များ

II Krọnikol 35:13

Avbe Livai keghi ya erhẹn tọn emwi izọ ese Alagberra, zẹ vbene a wẹ ne a gha ru ẹe, iran keghi le avbe emwi izọ ese ne ọ huanrẹn vbe akhe ra ovbi ẹgere kevbe ọkpan ne a ya ranmwẹ emwi, iran keghi zẹgiẹgiẹ ghae emiowo nii ne avbe emwa nii.

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Ẹksọdọs 12:9

Wa ghẹ rri ọre ọghọgbọn ra na a le ẹe, sokpan a ghi wa tọn ikun ẹnrẹn vberriọ, kevbe uhunmwu ẹnrẹn kevbe inu rẹn ke emwi ni rre ọre uwu egbe hia.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 13:7

Ebrẹd ne ọ ma hue ọre uwa gha re vbe ikpẹdẹ ihinrọn, wa ghẹ gie a miẹn ebrẹd nọ huere ra eyist vbe ẹvbo uwa hia.

Ẹksọdọs 23:18

Wa ghẹ rhie ebrẹd ne ọ huere ya ye aranmwẹ zọ ese ghe mwẹ. Efun aranmwẹ ne a ya zọ ese ghe mwẹ, wa ghẹ sẹrae vbọ ne ẹdẹ gbe.

Ẹksọdọs 34:25

“Wa ghẹ ya ebrẹd na ya eyist ru zọ ọhẹ mẹ vbe uwa gha ye aranmwẹ zẹ ese mẹ. A ghẹ rhie hin rre ne ẹdẹ gbe vbe uwa gha gbe emwi ya ru emwiukpo Alagberra.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Matiu 16:12

Ẹkpo nii ọre avbe erhuanegbe ghi na do rẹn ighe ẹ i re eyist na ya fian ebrẹd ọre ọ kha ighe iruemwi avbe Farisi kevbe Sadusi ọre ọ kha.

Matiu 26:26

Ugbẹn vbe iran ghi rri evbare, Jesu keghi mu ududu ebrẹd, ọ na erhunmwu ekpọnmwẹ, ọ bun ẹnrẹn, ọ keghi rhie ne avbe erhuanegbe ẹre, ọ wẹẹ, “Wa miẹn ne uwa rri ọ e, egbe mwẹ ọ re nọ.”

Galatia 5:9

Ovbi eyist kherhe ọ re a ya ye okpan ẹlubọ hia hue.

Diuteronomi 16:7

Wa ghi lẹe, wa ghi vberriọ vbe ihe ọkpa ne a na ga nii, owiẹ ne ọ lelẹe, wa gha di owa ya.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.