Ẹksọdọs 12:6 - Edo Bible (E Baibol Ẹdo) Version 1996

⁶ Wa ghi muẹn hin rre khẹ ikpẹdẹ ne ne ogiwenẹ ọghe uki na, ẹghẹ ne ivbi Izrẹl hia gha ya gbele aranmwẹ.

Ẹksọdọs 12:6 ပူးပေါင်းရင်းမြစ်များ

II Krọnikol 35:1

E Josaia keghi ru emwiukpo Alagberra ne ọ ya ya ọghọ ne Nọyaẹnmwa; ikpẹdẹ ne ogiwenẹ ọghe uki ne okaro, ọ re iran na gbele emwi ne a ya ru nene emwiukpo.

Ẹzra 6:19

Avbe emwa ni ke iwe rre keghi do ugie Alagberra vbe ikpẹdẹ ne ogiwenẹ ọghe uki ne okaro ọghe ukpo ne ọ lele ẹe.

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 12:17

Wa ghi ru emwiukpo ọghe ebrẹd ne ọ ma hue na rhunmwuda ẹdẹ na ọrọre ẹdẹ ne I viọ ivbiyokuo rua lahin otọ Igipt rre. Ke orre ya sẹ orre, wa ghi zẹ ẹdẹ nẹrẹ kọ zẹ vbe emwiukpo.

Ẹksọdọs 12:18

Wa ghi suẹn gha rri ebrẹd ne ọ ma hue ke ota ikpẹdẹ ne ogiwenẹ ọghe uki nokaro kpao ya sẹ ota ikpẹdẹ ọkpa yan ugie.

Ẹksọdọs 12:47

Emwa nii re ivbi Izrẹl hia ọre ọ gha rri evbare na, sokpan a ghẹ gie ukpikolo rriọe.

Ẹksọdọs 16:1

Ivbi Izrẹl hia keghi kpao vbe Ẹlim, ọ ghi rre ikpẹdẹ ekesugie vbe uki ne ogieva ne iran kpao vbe Igipt rre, iran keghi sẹ ato ọghe Sin, ne ọ rre ẹkpo Ẹlim kevbe Sainai.

Ẹksọdọs 16:12

“I họn ẹzọ ne ivbi Izrẹl gui, Tama iran wẹ ẹdẹ gha wan dee, iran gha miẹn emiowo re, ọ gha sẹ ẹghẹ owiẹ, iran gha vbe miẹn ebrẹd vbe ne iran ho. Ẹghẹ nii, iran gha rẹn wẹ mẹ ne Nọyaẹnmwa ọrọre Osanobua iran.”

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 29:39

U ghi gbe ọkpa vbọ vbe owiẹ kevbe nọkpa vbe ota.

Ẹksọdọs 29:41

U ghi gbe ovbi ohuan nọkpa vbe ota, zẹ vbe ne u vbe ru ẹe vbe owiẹ, u ghi gie izọhẹ evbare evba da lele ẹe, izọhẹ evbare ọre ọna khin mẹ, mẹ ne Nọyaẹnmwa, uwinhinmwẹ ọnrẹn wa yẹ mwẹ.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Ezikiẹl 45:21

“Vbe ikpẹdẹ ne ogiwenẹ vbe uki ne okaro, wa ghi suẹn Emwiukpo Alagberra. Vbe uwu ikpẹdẹ ihinrọn, emwa hia ghi gha rri ebrẹd ne a ma ya eyist le.

Levitikọs 23:5

Ovẹn gha dero nẹ vbe ikpẹdẹ ne ogiwenẹ ọ ghe uki ne okaro, ọre a na ru emwiukpo Alagberra ne a ya gowan e Nọyaẹnmwa.

Nọmbas 28:16

A ghi ru Emwiukpo Alagberra ya ya ọghọ ne Nọyaẹnmwa vbe ikpẹdẹ ne ogiwenẹ ọghe uki ne okaro.

Nọmbas 28:18

Vbe ikpẹdẹ ne okaro ọghe emwiukpo na, wa ghi si koko ne uwa ru ugamwẹ, a ghẹ vbe winna iwinna rhọkpa.

Nọmbas 9:11

a ghi gie iran ru ẹe ke ẹe kevbe oriwo.

Matiu 27:20

Avbe igie ohẹn kevbe avbe eniwanrẹn keghi kpikpi avbe emwa wẹ ne iran khama Pailet ne ọ fan Barabbas fua ne iran, ne ọ gbe Jesu.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Mak 15:1

Vbe owiẹ vbirrivbirri avbe igie ohẹn kevbe avbe ediọn keghi ya gu iran ni ma emwa Uhi kevbe avbe eghaẹvbo do iko ẹgiẹgiẹ, ne iran mwamwa emwi ne iran gha ru. Iran keghi rro eghan ye Jesu obọ, iran na si ẹe bu Pailet.

Iyẹn ne ọ Maan Ọghe Mak 15:11

Sokpan avbe igie ohẹn keghi kpikpi emwa ni gbe ẹbu ye evba wẹ ne iran kha ma Pailet wẹ Barabbas iran ho ne ọ fan fua ighẹ ẹ i re Jesu.

Iyẹn ne ọ Maan Ọghe Mak 15:25

Ihe ẹgogo ihinrin vbe owiẹ ọre irẹn ya kanrẹn mu ugbugbe.

Iyẹn ne ọ Maan Ọghe Mak 15:8

Ugbẹn vbe avbe emwa ghi gbe ẹbu nẹ, iran keghi suẹn gha tama Pailet wẹ nọ ya ẹmwẹ lekhue iran vbene ọ ka ruẹe de ẹdẹ.

Iyẹn ne ọ Maan Ọghe Luk 23:1

Vbene iran wa ya rre evba hia keghi kpaegbe, iran na mu Jesu bu Pailet gha khian.

Iyẹn ne ọ Maan Ọghe Luk 23:18

Emwa ni gbe ẹbu ye evba hia keghi wa datu wẹẹ, “Gbe ẹe rua ne u fan Barabbas fua ne ima!” (

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 3:14

Ọmwa ne ọ huanrẹn kevbe ne ọ maa rẹn khin, wa keghi hẹẹ ye otọ, wa na rinmwian Pailet ne ọ fan izigan fua ne uwa ye ihe ẹre.

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.

Jọsua 5:10

Ẹghẹ ne ivbi Izrẹl na gha rre agọ vbe Gilgal, vbe otọe ne ọ rriẹe ne ọ rre ọkpẹn e Jẹriko, iran keghi ru emwiukpo Alagberra vbe ota ọghe ikpẹdẹ ne ogiwenẹ ọghe uki nii.