Ẹksọdọs 12:51 - Edo Bible (E Baibol Ẹdo) Version 1996

⁵¹ Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Ẹksọdọs 12:51 ပူးပေါင်းရင်းမြစ်များ

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

I Ọba 6:1

Ọ ghi rre ukpo iyenẹ yan uri eva (480) ne ivbi Izrẹl kpao vbe Igipt rre, ne ọ vbe re ukpo ne ogienẹ ne Solomọn rriọba yan Izrẹl, vbe uki ne ogieva, uki ne a tie ẹre Ziv, e Solomọn keghi suẹn iwinna nene Ọgua Osa.

II Krọnikol 14:12

Obọ e Nọyaẹnmwa keghi ke ukhunmwu ne ivbiyokuo e Sudan vbe Asa kevbe iyokuo e Juda gu iran gbinna. Iran keghi lẹ.

Psalm 114:1

Ẹkpo ne ivbi Izrẹl na kpao vbe Igipt rre, ẹkpo ne ivbi uniẹn Jekọb na kpao vbe otọe ẹvbo ẹrrẹe ni rre,

Psalm 136:11

Ọ hẹ ivbi Izrẹl ladian hin Igipt rre, etẹbitẹ ọ re ahoẹmwọmwa rẹn khin.

Ẹksọdọs 12:41

Vbe ikpẹ ẹdẹ ne ọ wa gba vbe ọgban yan uri eva zẹ, ivbi ẹwae emwa e Nọyaẹnmwa hia keghi kpao vbe otọ Igipt rre.

Ẹksọdọs 12:50

Ivbi Izrẹl hia na wa ru vbene a kha re, iran keghi ru vbene Nọyaẹnmwa tama e Mosis kevbe Errọn.

Ẹksọdọs 13:1

E Nọyaẹnmwa keghi tama e Mosis wẹẹ,

Ẹksọdọs 16:1

Ivbi Izrẹl hia keghi kpao vbe Ẹlim, ọ ghi rre ikpẹdẹ ekesugie vbe uki ne ogieva ne iran kpao vbe Igipt rre, iran keghi sẹ ato ọghe Sin, ne ọ rre ẹkpo Ẹlim kevbe Sainai.

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 6:26

Nene Errọn kevbe Mosis na ọre Nọyaẹnmwa tama wẹẹ, “Viọ avbe ivbi Izrẹl ke Igipt ladian.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Levitikọs 23:43

Ne avbe ivbi uwa miẹn ehe na rẹn wẹẹ Nọyaẹnmwa ya ivbi Izrẹl di irhu ne a gbe ya vbe ẹghẹ ne ọ na viọ iran ke otọ Igipt ladian. Rẹn ọrọre Nọyaẹnmwa Osanobua rua.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Nọmbas 23:22

Osanobua viọ iran ke otọ Igipt ladian nẹ; ọ kevbe gbinna ne iran zẹ vbe ede,

Nọmbas 33:1

Ehe ne avbe ivbi Izrẹl na gbe agọ vbe iran kpao vbe Igipt rre vbene Mosis kevbe Errọn na gha viọ iran khian ọre ena khin.

Iwinna 13:17

Osanobua iran na ighẹ ivbi Izrẹl, ọre ọ zẹ avbe erha mwa odede, ọ keghi ya iran khian nọkhua vbe ẹghẹ ne iran na gha re ọrriọvbe vbe otọe Igipt, Osanobua keghi ya ẹtin ẹnrẹn nọkhua viọ iran ke Igipt ladian.

Diuteronomi 16:1

“Ye ọghọ ne Nọyaẹnmwa Osanobua rua vbe ekpa ne uwa gha na gha ru emwiukpo Alagberra vbe uki Abib; rhunmwuda asọn ọkpa vbe uwa uki ni ọre a na fan uwa vbe irri ke Igipt ladian.

Diuteronomi 4:37

Rhunmwuda ighẹ ọ ho ẹmwẹ avbe erha uwa odede, ọ keghi hannọ avbe ivbi iran zẹ, ọ keghi tobọ ẹre ye ẹtin ẹnrẹn nọkhua viọ uwa ke Igipt ladian.

Jọsua 24:5

Ẹre I na ghi gie Mosis kevbe Errọn, I na si ọfuan nọkhua ye Igipt egbe. I keghi viọ uwa ladian.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.