Ẹksọdọs 12:48 - Edo Bible (E Baibol Ẹdo) Version 1996

⁴⁸ A deghẹ ọrriọvbe ne ọ rre ehe ne uwa ye wẹ rẹn gha le evbare Alagberra na ne Nọyaẹnmwa, wa ghi ka rhu uẹ ikpia hia nii guẹe nẹ, iyeke ọnii ọ ghi ye gbe ba emwa ru emwiukpo nii, obọ ne a ya mu ovbi Izrẹl ne ọre ne a biẹe vbe owa, ọre a gha ya muẹn.

Ẹksọdọs 12:48 ပူးပေါင်းရင်းမြစ်များ

Gẹnẹsis 17:11

Ke ẹghẹ na kpao, te u gha rhuẹ emọ ikpia ruẹ hia vbe ọ gha sẹ ọmọ ikpẹdẹ erẹnrẹn nẹ, kevbe eviẹn ne a biẹe vbe owa kevbe ne a dẹlẹ ke ore rre, vbe obọ avbe orhunmwuyẹn. Ọna ọre ọ gha rhie ma wẹẹ, mẹ vbe uwa gba ta ile.

Ẹksọdọs 12:19

Wa ghẹ ghi miẹn ebrẹd ne ọ huere vbe owa uwa, rhunmwuda, a deghẹ a miẹn ọmwa ne ebrẹd ne ọ huere gue, a gha kan ẹn fua hin uwu ọbuohiẹn emwa mwẹ rre, ọre ọrriọvbe nọ ra ọmọ otọ nọ. Wa ghẹ rri ebrẹd ne ọ huere hiehiere vbe owa uwa.”

Ẹksọdọs 12:43

E Nọyaẹnmwa keghi tama e Mosis kevbe Errọn wẹẹ, “Ilele ẹmwẹ Alagberra ọre ena khin: A ghẹ gie ọrriọvbe rrie evbare alagberra.

Ezikiẹl 14:7

“Ẹghẹikẹghẹ ne ovbi Izrẹl okpa ra orhunmwuyẹn ni rre uwu ẹbu ivbi Izrẹl ya fi iyeke gbe mwẹ, ọ na ya gha gho ẹbọ, ọ na vbe kpao ya gualotọ emwi vbe obọ akhasẹ, mẹ ne Nọyaẹnmwa ọ re ọ ra rhie ewanniẹn ne ẹẹn.

Ezikiẹl 44:9

“Mẹ ne Nọyaẹnmwa ne Udazi ọre ọ tae wẹ, a ghẹ gie ọrriọvbe ne ọ ma rhuẹ, ọmwa ne ẹ i họn ẹmwẹ mẹ, ya sẹ egbe avbe orhunmwuyẹn ni rre uwu ẹbu ivbi Izrẹl la uwu Ọgua Osa mwẹ.”

Ezikiẹl 47:22

te ọ khian gha re emwiobọ uwa ẹdẹdẹmwẹdẹ. Avbe erriọvbe ni rre ẹkpo uwa, ni vbe biẹlẹ nẹ vbe ẹvbo uwa, wa ghi vbe ghae sẹ iran obọ vbe otọ nii vbe uwa a gha ẹre. Obọ ne a ya mu ivbi eseserese vbe Izrẹl ọ re a vbe ya gha mu iran. Te iran gha vbe gu ẹwae Izrẹl zẹ vbe uta ne a ya gha otọe nii.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Nọmbas 9:14

“A deghẹ orhunmwuyẹn ne ọ rre ehe ne uwa ye we rẹn gha ru emwiukpo Alagberra, ọ ghi ru ẹe zẹ vbe emwamwa kevbe ilele ne ọ rrọọ. Uhi ọkpa ni ọre ọ kan emwa hia, ọre ọmọ otọ nọ ra ọrriọvbe.”

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!