Ẹksọdọs 12:4 - Edo Bible (E Baibol Ẹdo) Version 1996

⁴ Adeghẹ ẹgbẹe ọkpa kanmwa gbe ne ọ gha sẹtin rri ikun aranmwẹ fo, rẹn vbe ẹdogbo ẹre ne ọ diake sẹ sẹtin gba mu aranmwẹ ọkpa, sokpan vbene iran bun sẹ ọre ọ gha ya gha yerriọ vbene uwa gha ya mwamwa ẹn yọ ọrọre vbene dọmwadẹ ọghọe gha sẹtin re sẹ.

Ẹksọdọs 12:4 ပူးပေါင်းရင်းမြစ်များ

II Samuẹl 19:35

Ukpo iyenẹ ọ re I ye na, emwi ọkpa ne ọ ghi gbe mwẹ otiti, ẹ i ghi rrọọ kevbe emwi ne I re kevbe ne I da, ne I ghi rẹn emwi ne ọ khọe vbe unu ẹ ghi rrọ, I i ghi vbe họn vbe otu ni so ihuan a gha so ihuan. Ihẹ kẹkan ọ re I khian gha khin nuẹn Umogun.

Ẹksọdọs 12:3

Tama ivbi Izrẹl hia wẹẹ: Vbe ikpẹdẹ ne ogigbe ọghe uki na, edọmwadẹ ọghọe ghi hannọ oteghe ohuan ọkpa ra ovbi ẹwe ọkpa ye otọ ne ẹgbẹe ọre, oteghe ohuan ọkpọkpa ne igiowa ọkpọkpa.

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Matiu 26:19

Avbe erhuanegbe keghi ru zẹ vbene Jesu tama iran, iran keghi ya mu egbe evbare Alagberra ye otọ.