Ẹksọdọs 12:39 - Edo Bible (E Baibol Ẹdo) Version 1996

³⁹ Iran kegha ya irhuarhua ne iran mu ke Igipt ladian fian ebrẹd ne ọ ma hue rhunmwuda ne a na khulo iran ke Igipt ladian ẹgiẹgiẹ. Iran ma miẹn ẹghẹ ya le evbare ne egbe iran, ra ne iran fian ebrẹd ne ọ huere.

Ẹksọdọs 12:39 ပူးပေါင်းရင်းမြစ်များ

Ẹksọdọs 11:1

E Nọyaẹnmwa keghi tama e Mosis wẹẹ, “Oya ọkpa kẹkan ọre I ghi ra rri ọba Igipt kevbe ivbi Igipt re. Iyeke ọnii, ọ gha gie uwa kpao. Vbe ne ẹmwata ẹghẹ ne ọ gha na gie uwa kpao, te ọ ra khulo uwa ladian mwa.

Ẹksọdọs 12:34

Ẹre emwa nii na viọ irhuarhua iran ne eyist i ye, iran keghi ya ukpọn gbalọ ehia viọ ye ọkpan ne iran ya fian ebrẹd hẹ yan izabọ.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Matiu 13:33

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe eyist ne okhuo ọkpa rhiere, ọ keghi yae gua ọkpan irhuarhua ọkpa rhinrin irhuarhua ni te ghi do hue.”