Ẹksọdọs 12:38 - Edo Bible (E Baibol Ẹdo) Version 1996

³⁸ Emwa nibun ọvbehe deba ohuan nibun, ẹwe kevbe ẹmila kevbe lele iran.

Ẹksọdọs 12:38 ပူးပေါင်းရင်းမြစ်များ

Nehimaia 13:3

Ugbẹn vbe ivbi Izrẹl ghi họn vbe a tie uhi na, iran keghi wannọ avbe erriọvbe hia hin uwu ẹbu iran rre.

Ẹksọdọs 10:9

E Mosis wanniẹn wẹẹ, “Te ima hia khian kevbe ivbi ima negiẹrẹ kevbe avbe ọmaẹn, te ima viọ ivbi ima nikpia kevbe ivbi ima nikhuo khian, ohuan kevbe ẹwe kevbe ẹmila rhunmwuda te ima ra tie eghọ ugamwẹ ne Nọyaẹnmwa Osanobua ima.”

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Levitikọs 24:10

Okpia ọkpa ne iye ẹe re ovbi Izrẹl, erha e keghi re ovbi Igipt ke ghi lele ivbi Izrẹl ladian, ẹzọ keghi sunu ne irẹn kevbe ovbi Izrẹl ọkpa vbe agọ.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Nọmbas 11:4

Emiowo keghi wa kakabọ gha khọn avbe erhunmwuyẹn ni lele ivbi Izrẹl khian, avbe ivbi Izrẹl tobọ iran na vbe suẹn gha gui ẹzọ uwunu wẹẹ, “Vbọ rrọọ akpawẹ ma miẹn emiowo re nian!

Nọmbas 20:19

Ivbi Izrẹl keghi kha wẹẹ, “Adesẹ odẹ ma ra gha ye, deghẹ ma ra aranmwẹ irri ima ọre ọ ghi wọn vbe amẹ ruẹn, ma gha ha osa ẹre, emwi ne ima ho ma gberra ne u wa gie ima gberra.”

Nọmbas 32:1

Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Diuteronomi 3:19

Avbe amwẹ uwa, kevbe ivbi uwa kevbe ẹmila uwa, I rẹnrẹn ighẹ emwirri uwa wa bun, ọ re ọ gha mudia vbe ẹvbo ne I ghae sẹ uwa obọ.

Jọsua 8:35

E Jọsua keghi wa tie uhi ọghe Mosis hia fẹẹrẹ ma emwa ni gbe ẹbu nii, ke ikhuo kevbe ibiẹka kevbe avbe ọrriọvbe ni rre ehe ne iran ye.