Ẹksọdọs 12:36 - Edo Bible (E Baibol Ẹdo) Version 1996

³⁶ E Nọyaẹnmwa keghi gie ivbi Igipt mu ọghọ ye emwa nii egbe, iran na viọ emwi ne iran nọ iran re hia ne iran. Erriọ ọre ivbi Izrẹl ya viọ ẹfe ivbi Igipt gha rrie.

Ẹksọdọs 12:36 ပူးပေါင်းရင်းမြစ်များ

Gẹnẹsis 15:14

Sokpan mẹ gha rri ẹvbo ne ọ ru iran emwi na oya, iran ghi miẹn iran emwi ẹfe ne ọ kpọlọ vbe iran a khian kpao vbe ọfumwegbe.

Gẹnẹsis 39:21

Sokpan e Nọyaẹnmwa keghi mudia ne Josẹf, ọ na vbe tohan rẹn sẹrriọ ne a na miẹn wẹ ẹmwẹ ọnrẹn kegha yẹ eseghan.

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Psalm 105:37

Iyekọni, ọ keghi viọ ivbi Izrẹl ladian, iran viọ esiliva kevbe igoru, egbe wa rran iran hia, iran keghi vbe wegbe vbe egbe.

Ẹksọdọs 11:2

Tama ivbi Izrẹl ne dọmwadẹ ọghọe nọ emwi vbe obọ ogieva ẹre, emwi itegbe ọghe igoru kevbe esiliva.”

Ẹksọdọs 11:3

E Nọyaẹnmwa keghi ya ivbi Igipt gha zama ivbi Izrẹl vbe ẹmwata, avbe ekhaẹmwẹ kevbe emwa nii keghi wa gha ghe Mosis gẹdẹgbẹẹ.

Itan 16:7

U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Daniẹl 1:9

Osanobua keghi ru ẹe ne Aspenaz gha mwẹ itohan ghe Daniẹl.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 7:10

Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre.